Versets bíblics populars de Roca 18

Comparteix

Zesopa arrirraro namiza imadinicca uimaza pocca zozosse tabaqqui mari icanabaqquirrari. Madirra Deoza uatide dameraqquiri nauiuarrine, —Deopa ouatti mitta-rraraui −quena-rrarauiuarrine uati uati tarrari.

Poua atti nama naraha Deopa nama narrararrari. Pouapa bica tarrari. Pocca tocatterrizabaqquinarra attideni mittarrari. Pouadenipa Deoza ssiuarra uati, zome uati totoquena narrari. Nazapa Deo pouadeni acco icanabaqquiuiuarrinepa narropazarra? Narro-rrarauitoui. Narraroa tiadeniza uati onarraroparri: Deopa narro-rraraza tiadeni acco tocanabaqquiuitoui, onarraro. Naraha ouape Madirra Bedi orrarraroa niza occanipomezape occa madirrapa Deo Pouaza uatide dameraqquiri nauiparra napazarra? Pouadeni naco: “Rrehe, Deo oua acco canaui” quequenanauiparra napazarra? onarraro −narrari Zeso.

Naraha Zeso attipa: —Madirrapa ssamomo taraha Deozape ssamo terrerani. Pouarrinena madirra tocassiuauerauitoui −narrari.

Naraha pouapa poni acco canade iborride rarrari. Naraha zotodena bodi uatoza arrama narrari: “Deoza ocappina-rrerani madirradeniza naqui ocappina-rrerani. Naraha arri amonerre tobaccopero ouaza tonarro uati carrirezape poni acco ocanana. Acco ocana-rrerezape poni attini ouaza tocasseraqquinitoui” narrari uima cacattemade ibobote. Nazapa poni acco canade touiborarrari −narrari Zeso.

—Parrissehera tiadeniza uati onana: Madirrapa poua bodicca rrehenirri pina erredenicca rrehenirrissa narrarazapa Deocca cacaueheza torra-rrarauitoui −narrari Zeso.

Naraha Zeso pouapa erredenitoui uaua narrari. Poua uatimadedeniza poua attipa: —Pouadeni rrauirronana, onarraro. Eccarronabaqqui-manauiuarrine tecossemana terrerarri. Madirrapa pina arrarrari erredenidenissa quenarrarina Deocca cacaueheza toquerrenauitoui −narrari Zeso.

Nazapa Zeso: —Rrehe, tinocco ssire tana. Tibodi ouaza parrissa tezape tinomini −narrari.

Naraha manaco Zeso pouaza uati tarrari: —Nerrecotoui ouaza: “Mamaride bicaui” tarraro? Madirra bicaui noueraui. Deona bica taui orrariui.