Versets bíblics populars de Markus 14

Comparteix

En hi sprok: Abba, min Vader, alle Dinge sen mögelk foar di, nem dös Kelk van mi; mar dag ek, üs ik wel, mar wat dü wedt.

Wåke en bödige, omdat I ek ön Forsjuk kom; di Geist es wellig, mar dit Flēsk es swak.

Wårelk, ik si ju: Hur dit Evangelium prötjet ud üp di hile Warld, diär wel em uk si tö hör Öntäänken, wat jü nü dön heed.

En said tö jam: Min Seel es bedrüwwet bet ön di Doad tö! Blīw hjir, en wåke.

En wīlt ja eet, nōm hi dit Broad, danket en brok dit, en jåwt jam en sprok: Nem hen, iit, dit es min Likhäm.

En nōm di Kelk, en danket, en jåw jam di, en ja drōnk al diärvan. En hi said tö jam: Dit es min Blöd van dit ni Testament; wat forgoaten ud foar Vulen.

En Jesus said tö jam: I wel ju ön dös Nagt alle ön mi ârgere. For diär stånt skrewwen: Ik wel di Hört slå, en di Sjip wel ombisprat ud.

Stūn âp, let ǖs gung; luk, der mi forrat, es naibi.

En Jesus said tö höm: Wårelk, ik si di, delling ön dös Nagt, jer dat di Hoan taumal kräd, wedt dü mi trimal forlögnet hå.