Versets bíblics populars de TITO 3

Comparteix

Ipare rumo Tüpä yande Pɨsɨrösar omboyekwa gweko tuprɨsa oporoaɨsusa opakatu ava upe, yande pɨsɨrö, nda'ei rumo yande repiapo avɨyesa sui, a'e rumo vɨreko oporoaɨsusa yandeu narä, omoatɨrö iyavei ombopɨasu yande rekokwer Espíritu Maräne'ɨ̇ pɨpe. Yande Pɨsɨrösar Jesucristo rupi ombou Espíritu Maräne'ɨ̇ yandeu, ipɨpe yande rekoai sui yande renose yande reko ɨ̇vi tuprɨ agwä, oporoaɨsusa pɨpe toipɨsɨ ko tekovesa apɨre'ɨ̇ gwemiarö yuvɨreko oya.

Ko rese emoma'endu'a opakatu oyapo va'e rese mborerekwar gwasu iyavei ambuae mborerekwa-rekwarmi, toyapo tuprɨ mba'e iyavei toyuvɨrekoi mba'e avɨye va'e apo agwä. Toñe'ë-ñe'ë tëi eme ambuae ava rese yuvɨreko, toyuvɨrekoi tuprɨ iyavei poroaɨsusa pɨpe, tomboyekwa avei gweko mbegwesa opakatu ava upe yuvɨreko.

Ereyepepɨra rumo opakatu ko nungar mba'e sui, ko ñe'ësa araka'endar yepoepɨ tëisa sui, ko ñemoɨrösa iyavei vavasa Moisés porokwaita resendar sui tëi. Evokoi nungar yapoprɨ ndovɨrekoi ete mba'e avɨye va'e.

Oimese ava omboya'o va'e tüpäro pɨpe, eñe'ë yɨpɨndar chupe iyavei ñuvɨrïo yupagwer; nandereroyaise ite, emombo evokoi sui