Versets bíblics populars de SANTIAGO 1

Comparteix

Che rɨvrɨ eta, pevɨ'areteñora peiko akoi oimese tekoa'äsa peü yepi. Esepia peikwa ni'ä pe poreroyasa rese, oimese mba'e tekoa'äsa, a'e ipɨpe peyembo'e pe ñemosa agwä rese peiko.

Iyavei akoi ipanese pe pa'ü pendar upe yarakwa agwä, toporandu Tüpä upe, evokoiyase a'e omboura chupe; esepia Tüpä opakatu upe mba'e ombou gwekate'ɨ̇sa pɨpe iyavei omba'e mboasɨ e'ɨ̇sa pɨpe avei.

Iyavei che rɨvrɨ eta, che rembiaɨsu, peyemoma'endu'a ko che ñe'ë rese: peyapɨsaka tuprɨ voira ambuae ava ñe'ë rese, mbegwe rupi rumo peñe'ëra chupe iyavei ndapemba'emboasɨ voi tëi chira.

Peikoño ite pe reko ñemosasa pɨpe pe reko mo'ɨ̇vi tuprɨ katu agwä, evokoiyase nipane iri chira opakatu mba'e peü.

Nda'ei pesenduño tëira ko ñe'ësa avɨye va'e; iya rumo peyapora mba'e ko ñe'ësa remimbotar rupi ete, esepia egwë peyese pe ae tëi peyembopara peiko.

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

esepia opakatu imbouprɨ mba'e avɨye va'e yandeu, a'e ou Tüpä sui ete, a'e ni'ä opakatu ɨva rese mba'e aposar. Nda'ei rumo gwembiapo nungar sekoi esepia Tüpä noñekuñaröi va'e ite.

Supiete akoi ava osenduño tëise ñe'ësa avɨye va'e, ipare rumo ndovɨroyai ete, inungar akoi ava osepiaño tëi va'e vova yepiasa pɨpe; oyeepia pare rumo, kurïtëimi sesaraiño gwepiaka sui.

Yarekose rumo yande rembieroya nimaräi va'e yande Ru Tüpä rovai: a'ese yaipɨtɨ̇vɨïra ndiyesupai va'e iyavei kuña imer mano va'ekwer iparaɨsusa rese, ndayayapoi chiaveira mba'e ɨvɨ pɨpendar ñaporäi va'e rembiapo nungar.

Akoi ava oyanduse poroätoisa oyeupe mba'e tëi apo agwä, Tüpä revo egwë e'i cheu nde'i chira, esepia Tüpä ndoyapoi ete poroätoisa naporäi va'e, iyavei nomondo ukai ete ava mba'e tëi apo agwä. Ko rumo, ava opɨ'añemoñeta rai upe oñeatoi uka mba'e tëi apo agwä yepi.

Iyavei Jesús reroyasar seko mbegwemi va'e toyembovɨ'areteño yepi Tüpä oseko ɨvatesa rese