Versets bíblics populars de EFESIOS 6

Comparteix

Esepia yande nda'ei ava amotare'ɨ̇save yayepɨ'amovɨräkwä, yande rumo yayepɨ'amovɨräkwä espíritu naporäi va'e ndoyekwai va'e upe iyavei ko ɨvɨ pɨpendar Karugwar ipirätä va'e pɨ̇tümimbisa pendar reroya e'ɨ̇ agwä.

Peyerure katu: Espíritu pirätäsa pɨpe arɨ yakatu rupi Tüpä upe opakatu yeruresa pɨpe. Pema'emo'ä katuño pe yeruresa pɨpe, peyerureño avei opakatu ava Tüpä reroyasar rese yepi.

Peñearö tuprɨ katu Tüpä pirätäsa pɨpe pe yemovɨräkwä agwä Karugwar pe mbopa tëi e'ɨ̇ agwä.

Sese, peipɨsɨ opakatu mba'e Tüpä ombou va'e peü pe yoepɨ agwä, evokoiyase yepe oime tëira mba'e tëi peü viña, peyemovɨräkwäño itera rumo chupe.

Iyavei pereko katu Tüpä rese pe yeroyasa peyese, a'e inungar sundao yoepɨsa, ipɨpe peyoepɨra karugwar u'u tata resendar nungar pe ätoisa sui. Poropɨsɨrösa inungar sundao akä ndɨru, ipɨpe tapeyoepɨ; peiporu avei Tüpä ñe'ëngagwer a'e ni'ä inungar kɨse puku Espíritu vɨreko va'e.

Egwë peye aveira peyemovɨräkwä katu ñe'ësa supi tuprɨ va'e pɨpe, iyavei peyoepɨra pe reko ɨ̇vi tuprɨsa pɨpe. Peyemoigätu voi Tüpä ñe'ëngagwer ñeröisa resendar mombe'u agwä yepi.

Sese peyemovɨräkwä katu yande Yar rese, ipirätäsa rese avei.

Ko porokwaita yɨpɨndar omombe'u va'e porovasasa pɨsɨ agwä imboavɨyesa pɨpe aipo e'i: “Pemboeteira pe ru, pe sɨ avei, egwë peyese, pe rorɨvetera iyavei pe reko pa'ümbuku katura ko ɨvɨ pɨpe.”

Chi'ïvä'e, pemboyeroya pe yesupa, pe sɨ avei yande Yar raɨsu pɨpe, esepia a'e ni'ä pe kwaita.