Versets bíblics populars de COLOSENSES 3

Comparteix

Egwë peyera peñemosa oyeupe, peñeröi aveira opakatu oyeupe akoi pe pa'ü pendar oñemoɨröse peü. Inungar yande Yar ombou ñeröisa yandeu, pe avei egwë peyera ambuae ava upe.

Pepɨ'añemoñeta mba'e ɨva pendar rese, nda'ei chira ɨvɨ pɨpendar mba'e rese tëi.

Opakatu mba'e peyapo va'e, peyapo pe kere'ɨ̇save yande Yar mbovɨ'a agwä nda'ei chira ava mbovɨ'a agwä tëi.

Esepia Tüpä pe raɨsu eteprɨ iyavei pe poravo toyuvɨrekoi cheu narä oyapave. Evokoiyase peyapora ko nungar mba'e, peporoaɨsura, peavara peyeupe, peñemominira, pe reko mbegwera iyavei peñemosañora.

Topɨta tuprɨ Cristo ñe'ëngagwer pe pɨ'a pɨpe. Pe arakwasa tuprɨsave peyembo'e tuprɨ, peyemongere'ɨ̇ katu sapukaisa Tüpä suindar rese. Pesapukai opakatu sapukaisa Tüpä upendar pe pɨ'a pɨpe, avɨye ndeu pe esave yepi. Iyavei opakatu mba'e peyapo va'e anise peñe'ë va'e avei peyapo yande Yar Jesús rer pɨpe. Jesús rer pɨpe avei, avɨye ndeu peyera Tüpä upe yepi.

Iyavei peyeaɨsu katura, esepia a'e yande mboyemboya tuprɨ oyese yepi.

Kurïtëi rumo okwerayevɨ va'e peiko Cristo rese, sese peseka katu ko mba'e avɨye va'e ɨva pendar, a'eve ɨvave Cristo ogwapɨ öi gweko mborerekwasa pɨpe Vu Tüpä akato kotɨ.

Iyavei teko tuprɨsa Cristo ombou va'e peü, tape mbo'e pe pɨ'añemoñeta tuprɨ agwä, esepia ko rese Tüpä pe renoi ñepëi ava nungar pe reko agwä. Iyavei avɨye ndeu peyera chupe.

Evokoiyase pepoi opakatu ko mba'e naporäi va'e ko ɨvɨ pɨpendar tëi pe rese oime va'e sui: ndapeyemboagwasai chira, ndapeyapoi chira mba'e tëi pe rekokwer pɨpe, ndapeipotarai chira pɨ'añemoñeta raisa, ndapeipotarai chira ambuae ava mba'e (esepia, a'e ni'ä oyoya mba'e ra'anga tëi mboeteisa rese).

Esepia opa ite pe mano, Tüpä rumo omoigätu mba'e avɨye va'e Cristo rese peiko va'erä.

Kurïtëi rumo peseya opakatu ko mba'e-mba'e tëi: pe ñemoɨrösa, pe poroyukai aisa, pe reko raisa, peñe'ë marä-marä tëisa iyavei peñe'ë sa ndayamombe'ui va'e.

Ndaperemiräi chira peyese, esepia pepoi yɨpɨndar pe rekoai sui pe rembiapoai sui avei, iyavei peipɨsɨ tekokwer pɨasu avɨye va'e: ipɨpe peyembo'e arɨ yakatu yande Aposar Tüpä rekokwer rese peiko, ikwa tuprɨ katu agwä.

Pe aveino imer pesaɨsu pe rembireko, perekoi rene pɨ'a vɨräkwäsa pɨpe.

Pe aveino chi'ïvä'e, peroya aveira pe yesupa, esepia a'e yande Yar oipota.

Iyavei pe kuña omenda va'e, pemboyeroyara pe mer, esepia ko ni'ä pe kwaita pe yande Yar rese peiko va'e.