Versets bíblics populars de 1 SAN PEDRO 4

Comparteix

Ko katu peyeaɨsura opakatu tuprɨ ite pe pɨ'a pɨpe, esepia poroaɨsusa oimese a'ese avei seta oimerä ñeröisa angaipa upe.

Ñepëi-pëi peipɨsɨ va'e opakatu mba'e kwasa Tüpä suindar, pemondo katu mba'e avɨye va'e peikatugwer rupi ambuae ava upe.

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.

Ko rumo akoi peparaɨsuse Cristo reroyasar pe rekosa pɨpe, ndapechï chietera. Pesapukaira rumo Tüpä upe imboeteisa pɨpe serer pereko va'e rese.

Vɨrovɨ rumo arɨ ipa va'e opakatu mba'e kañɨ agwä. Sese peikora yapɨsakasa pɨpe yeruresa pɨpe avei.

Che rɨvrɨ eta, che rembiaɨsu, ndapeyesapɨ'a ukai chira, akoi oimese mba'e-mba'e tëi tekoa'äsa pɨpe peü, inungar ndipoi chietera mba'e cheu peyera viña. Peyembovɨ'areteñora Cristo paraɨsu agwer rerekosa pɨpe, esepia yande rereko yande Yar yemombaraɨsu agwer nungar pɨpe yuvɨreko, evokoiyase yayembovɨ'arete itera akoi yande Yar oyevɨse gweko pirätäsa pɨpe.

Peipɨsɨ tuprɨ ava yuvɨraso va'e pe rëtäve, mba'e rese pi'ä ko ou peyei rene pe pɨ'añemoñeta pɨpe pe pɨri ou va'e upe.

Sese peyemomborarase Tüpä remimbotar rupi, iyakatu pegwataño itera mba'e avɨye va'e pɨpe, iyavei peyemondo itera yande Tüpä upe a'e pe ä rärö agwä, esepia a'e ni'ä yeroyasa ite sekoi.

Sese peikora, inungar Cristo oiporara mba'e rasɨkwer gwete rese, pe avei egwë peyera peiko chupe narä. Esepia akoi ava oiporara va'e mba'e raɨsɨkwer gwete rese oseya ite angaipa yuvɨreko, ipɨpe sui ndoyuvɨreko iri chira arɨ rupi ava tëi pɨ'a ñemoñetasa pɨpe, Tüpä remimbotar rupi ete rumo oyapo pota mba'e ko ɨvɨ pɨpe yuvɨrekoi vɨtese.

Iñe'ë maräse yuvɨreko peü Cristo reroyasar pe rekosa rese, sovasaprɨ peiko. Esepia Tüpä Espíritu gweko porañetesa pɨpe sekoi ete pe rese.