Versets bíblics populars de 1 SAN PEDRO 2

Comparteix

Pe rumo iporavoprɨ peiko Tüpä upe narä, inungar pa'i mborerekwar ɨvate katu va'e pɨtɨ̇vɨïsar, iyavei iporavoprɨ peiko Tüpä remimbotar rupi pereko maräne'ɨ̇sa pɨpe. Egwë peye Tüpä reko pirätäsa mombe'u agwä peiko, esepia a'e pe renose pɨ̇tümimbisa nungar pe rekokwerai sui, tesapesa porañete va'e pɨpe pe reike agwä.

Cristo teiete vɨraso yande angaipagwer gwete rese kurusu rese, yande yepepɨ agwä angaipa sui yaiko teko ɨ̇vi tuprɨsa pɨpe. Esepia ni'ä Cristo imombaraɨsusa perekokwer moigätu agwä. Esepia pe ni'ä yɨpɨndar inungar ovesa okañɨ tëi va'e peiko viña, kurïtëi rumo peyevɨ Cristo upe, a'e pe rekokwer osärö kurïtëi inungar ovesa rärösar.

Yɨpɨndar nda'e vɨtei ete Tüpä upendar peiko, kurïtëi rumo Tüpä upendar ite peiko; yɨpɨndar ndaperekoi Tüpä poroparaɨsuerekosa, kurïtëi rumo pereko ite iporoaɨsusa.

Inungar pitanimi okwakwa agwä oipota kambɨ; egwë peye aveira pe kere'ɨ̇sa pɨpe Tüpä ñe'ëngagwer rese pe yembo'e katu iri agwä, peiko va'erä avei poropɨsɨrösa pɨpe

Che rɨvrɨ eta, che rembiaɨsu, peiko raimi tëi va'e ko ɨvɨ pɨpe, pepoi opakatu ko ɨvɨ pɨpendar pe pɨ'añemoñeta raisa sui. Esepia pemomarä uka tëi pe rekokwer ipɨpe. Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.

Egwë e'ira pe rereko oyeupe inungar ita ndopai va'e, ipɨpe sui Tüpä omopu'ära otüpärogwä pe rese, iyavei pa'i ndaseko maräi va'e nungar peikora semimbotar rupi, pe evokoiyase Jesucristo rembiapo pɨpe sui peyapora Espíritu upendar mba'e avɨye va'e, a'e inungar mba'e seropove'ëprɨ avɨye va'e Tüpä upe.

Sese peseya opakatu mba'e naporäi va'e, opakatu porombopasa, pe reko tuprɨ anga'u tëisa, ambuae ava mba'e pota raisa, opakatu ma'echiröi resendar avei.

Peyemboya katu yande Yar rese, a'e inungar ita ndopai va'e ava rumo ovɨroɨröño yuvɨreko, Tüpä rumo a'e ita oiporavo avɨye katu va'e.

Peiko tuprɨ ava rovake mbigwai tëi nungar sui senoseprɨ pe rekosa pɨpe, ndiyai rumo ipɨpe peyapo iri mba'e tëi. Peiko tuprɨra Tüpä rembigwai pe rekosa pɨpe.

Esepia Tüpä oipota peyapora mba'e avɨye va'e ava mba'e ndoikwai va'e upe, ndayarakwai va'e upe iyavei pe rese iñe'ë-ñe'ë tëi e'ɨ̇ agwä.