Versets bíblics populars de ၿျႃၻိက︀်ႉ 2

Comparteix

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ မ︀ႂ်းက︀ဝ်ႈမ︀ႆ︀ႛ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛꩫ︀က︀ꩫ︀်ႈ မ︀ဝ်ꩭၢက︀်ႉꩫ︀ႆ︀ႇꩬ︀ီ မ︀ႂ်းမ︀ႆ︀ႛ ဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉယ︀င︀်းဢ︀ူ။

မ︀ႂ်းၵ︀ႂ်ႈလ︀ႂ်ႈတ︀ူက︀်ယ︀ွမ︀်းက︀ႃꩫ︀ꩫ︀ႆ︀ႇ ၵ︀ႂ်ႈꩡ︀ႂ်ႈတ︀ႃႉ။ ꩬ︀ၢင︀်ဝွေꩬ︀ီ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ ꩭီတ︀်မ︀ႃးꩫ︀က︀ꩫ︀်ႈꩬ︀ိုင︀်ꩭီတ︀်တ︀ႃႉ။ မ︀ႂ်းလ︀ုက︀်ႉဢ︀ပ︀ႅတ︀်ႉမ︀ႆ︀ႛ ပ︀ူဝ်းမ︀ဝ်တ︀ၢဝ်ႈပ︀ွက︀်ႉမ︀ႃးက︀ီး က︀ဝ်ႈမ︀ႃးꩬ︀ီ ဝၢꩫ︀်ၸ︀ႆ︀းမ︀ႂ်း တ︀ီဢ︀ဝ်ႈၵ︀ႆ︀ၢႇၵ︀ွတ︀်ꩫ︀မ︀်။

မ︀ႂ်းတ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩬ︀င︀်ꩫ︀က︀ေႃႇ ပ︀ီက︀ူဝ်ႈ။ က︀ူꩫ︀်းမ︀ႂ်းက︀မ︀်ႈၸ︀ွင︀်းမ︀ႆ︀ႛ ၵ︀ုꩫ︀်ꩬ︀ူင︀်ꩬ︀ႂ်ထွင︀်ꩬ︀ီ ၵ︀ꩫ︀်ꩬ︀ိပ︀်ဝꩫ︀်းလ︀ိူင︀်ႈယ︀ႃႇ မ︀ႂ်းတ︀ီꩫ︀ႆ︀ႛၵ︀ၢမ︀်က︀ဝ်း တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ူဝ်ပ︀ူဝ်းတ︀ႆ︀ၢႈꩫ︀က︀ေႃႇ က︀ဝ်ႈမ︀ႆ︀ႛယ︀ုမ︀်ယ︀မ︀်ႈၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းမ︀ႆ︀ႛက︀ဝ်ႈ ꩬ︀ူးပ︀ွင︀်းဢ︀ꩬ︀ၢက︀်ႉတ︀ီပ︀ူင︀်ႈꩭႂ်ႛꩫ︀မ︀်။

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ဝ်ႈမ︀က︀်ဢ︀ꩬ︀ၢက︀်ႉဢ︀ꩫ︀်ႈꩬ︀ူꩫ︀်ဢ︀ေတ︀ီꩫ︀်မ︀ႆ︀ႛယ︀င︀်းꩫ︀ႆ︀ႇ တ︀ီꩭႂ်ႛꩫ︀ႆ︀ႛက︀ိꩫ︀်ႈꩫ︀မ︀်” ꩫ︀ဝꩫ︀်ႇ။

ဢ︀ꩫ︀်ႈမ︀ႂ်းꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ွင︀်းဢ︀ူ။ မ︀ႂ်းဢ︀ၢꩫ︀်တ︀ၢꩫ︀်ꩬ︀ေႈꩡ︀ႃႉမ︀ႃး၊ က︀ꩫ︀်ႛမ︀ႃးယ︀ဝ်ႇ။ မ︀ႂ်းယ︀ႃႇ က︀ူꩫ︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ꩵ︀ႈꩭၢပ︀်ႉ။ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ႂ်းꩡ︀ႅပ︀်ႉꩬ︀ီ ၵ︀ဝ်ပ︀ီꩫ︀်ႈက︀ူꩫ︀်းၸ︀ႅတ︀်ႉꩫ︀မ︀်ꩫ︀ꩫ︀ႆ︀ႇ တ︀ွင︀်းဢ︀ူ။

မ︀ႂ်းယ︀ႃႇ က︀ꩫ︀်ႛမ︀ႃးယ︀ဝ်ႇ။ ꩡ︀ႃႇက︀ဝ်ႈၵ︀ၢမ︀်ၻုက︀်ႉၵ︀မ︀ႃးꩫ︀က︀ေႃႇ မ︀ႂ်းꩡ︀ႂ်ႈꩵ︀ႈၸ︀ေႛမ︀ႃးꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၵ︀ဝ်ႛမ︀ုꩫ︀်းမ︀ၢꩫ︀်ꩫ︀ဢ︀ꩫ︀်ႈဢ︀ဝ်ႈပ︀ႆ︀ၢႈမ︀ႅပ︀်ဝႆ︀ႇꩫ︀ႆ︀ႇ တ︀ီꩭႂ်ႛꩫ︀မ︀်။ ၵ︀ဝ်မ︀ႆ︀ႛ ꩭိꩫ︀်ၸ︀ိူက︀်ဢ︀ꩫ︀်ႈꩡ︀ိုဝ်ႈမ︀ႂ်တ︀ႅမ︀်ႛဝႆ︀ႇ ဢ︀ꩫ︀်ႈၸ︀ႂ်က︀ေႃႇဢ︀ၢꩫ︀်မ︀ဝ်ꩡ︀ၢင︀်ႈꩫ︀ႆ︀ႇ တ︀ီꩭႂ်ႛꩫ︀မ︀်။ ꩡ︀ိုဝ်ႈဢ︀မ︀ႂ်းယ︀ႃႇ ၵ︀ဝ်က︀ူဝ်ႇဢ︀ꩫ︀်ႈꩭိꩫ︀်ဢ︀မ︀ႂ်းꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် ဢ︀ၢꩫ︀်ꩡ︀ၢင︀်ႈꩫ︀ႆ︀ႇ” ꩫ︀ဝꩫ︀်ႇ။