Versets bíblics populars de Aba Vatowo 3

Comparteix

Tuwo vavinayana ikandolaga alova keuwoina igite bego ana kaigigita dedevina. Aiyuwoina nakona ana káika dedevina be ana kaikayana goi itoboine yagoina dókana ikabi, tauna iyale. Tuwo moitamo keuwoina tayamo iguwe, e ikani. Ikavava, monena nakae tayamo ivini ikani.

E moteta tonuwosinapu gagaina. Nakae woiwoi madabokidi Yauwe Yaubada iwoodugudi ikalisavedi. Tauyana ima vavina ilatuwoko idigo kana, ‘Iyaa! Moitamo Yaubada idigodigo bego alova keuwoidi madabokiidi tánuwo sinaena taabu kookanīdi, ae?’

Go vakaleya kom be vavinayana nauyayanaimi goi bei ayato. Kom im boda be tauyana ina boda nakae bei sivaakaleya. Ago kina ina bodayana bei dabam ikaumotui go, tauyana aegedugeduna kom bei kukalimotui.’

E vavinayana ilatuwoko idigo kana, ‘Im venátuna ana gedageda bei avaituwe gagaina, tauna mam gedageda natumowo kuvenatunidi. Im yala bego monem kulovinae go, tauyana bei ilovinaem.’

Mam mosali bei kupaaisewa gagaina bego avam kubabane ana kadókana kukámasa, e kwaluvila kuna poyapoya goi. Bogina kuyagoi. Poyapoya goi aodugum. Moitamo. Kom taum poyapoyayana ana vaituwo, tauna bei kwaluvila kuna poyapoyayana goi. Tutayana kukámasa, bei kumalapoyapoyamna.’

E Adama ilatuwoko idigo kana, ‘Kom pasim poyapoya akatubolate unana monem sopana kukabikaone, e keuwoinayana boi asanaabodem taabu kukanikāni go, tuwo kukani. Yawoim ana madabokina goi bei mam gedageda kukokōila gagaina bego avam kubabane.

Go Yaubada idigo kana, ‘Avatau ilatuwokoim bego kom kupawaku? Manakae? Alovayana keuwoina asanaabodem bogina kukani?’

Tuwo ivatapiyedi ikavava, e tanuwoyana Ideni ana kaba siu goi moe bomatu dadavina yábana ana tomatakavatayao iyatoidi. Tayamo sisi yeu sabeninimina iyato go, sisiyana ikaivivilo bego aba siu itubode. Moe dogoiyadi iyatoidi bego geya vatau tayaamo bei tanuwoyana goi isiu ina yawana vata alovaina keuwoina ikabi, ikani.

E korotoyana monena tomota liliudi unadi, tauna ivayou Ivi.