Versets bíblics populars de MATHE 24

Comparteix

Makhyang" ra" mau" zo" laug: li" yang:- byu jham wa jhid'de; myid cae" lo" byaug: li" genae". Ngadqere: athao jao: sho' thaug' qhao" yaug wa khyad' yu: ru qhug' nae".

Byumyu" cao jab: qhid' mae" sagse: boe" vashao:- Mug:gaung: mung"dan: Ngaui Bau" Lau Dao: re mug: myid gam: sho' kho" kyo: byid: ca" nae". Ai: thao re za: lo" thao" ra" ba na joe" lo: li" nae".

Gye khe' ru we' gyekhe' lau dao: jham re the' gyo: gelao"- naonhaung" dagyo" din ge,- ai: gu: wa boe" li" ca" ra"- ngadqere: ai: lo" thao" ru wa mangad: shi: ngad: ra".

Byu damyu" we' damyu"- damang: we' damang: gye jho" zin" li" genae"- Jo, qo gatau tau mae myid lab: lab' li" nae"- bao" khug' khug' li" nae"- Ai:jham wa qug: khai" ru aqhid ngad: ra".

Mug:gaung we' myid gaung lai: lo" byaug ngadqere:- nga" dao: jham wa khonhae" re: malai: lo" nae".

Pe"mung:ga"re byu myo: sho' mo, wa nga" mang vin yang: thug' li" mung:- ngo wa Meshia ngad va"- ga: ta" yang: byu myo: sho' mo, re jhui" pyag' lo" byaug: li" genae".

Byu jham wa- naonhaung" re qobo dae kham zo: nae" we' se' pye' nae" qhid' mae" ab byid' pye' li" genae"- nga" mathao mae byu alhab' mo, naonhaung" re nghang" li" genae". Alao"- byu myo: sho' mo, wa khyonghung: nghung: mung: yao: cao: yao: jho" ab byid' ru we' yao: cao: yao: manug jho" thug'- jho" nghang" li" genae". Lapa apyag' qe myo: sho' thug' li" mung:- byu myo: sho' mo, re jhui" pyag' lo" byaug: li" genae".

Yesu wa yao: bam re- Naonhaung" re khag' yang re: majhui" pyag' lo" geshao:- lha" yang: na ge,

Airumung: naonhaung" wa khonhae" re: jin" jin" za: seim" to: ge,- pe"mung:ga"re- Byu: Yao: Zo: wa naonhaung" mamyid: to" ra" au: re joe" li" nae".

Airumung: lha" yang: lhaug' na ge,- pe"mung:ga"re naonhaung" Asang wa kho: au: joe" li" nae" rure naonhaung" maba gengad: ra".

Ngadqere: ai: ba na we' yo, qug re Mao"So mae" je yang: khag' re: maba- Mug:gaung dao mae" mug: lagyo: jham we' Yao: Zo: lhao" re: maba ngad: ra".

Pe"mung:ga"re- Meshia apyag' qe we' lapa apyag' jham thug' li" genae". Yao: bam wa gai: boe" ngad: re khyin: yu: to: va" mo, re lhao" qo" jhui" pyag' yu nae" qhid' mae" ve, lho jham we' mug' pho: mau" zo" jham kad' qhu" li" genae".

Noa ban: mae boe" ru we' dakhyo: Byu: Yao: Zo: joe" li" rumae re: airu boe" nae". Pe"mung:ga"re daqid mashi: shi" ra" pyad mae" byu jham wa Noa qid sang pho khyo vao lo" ra" ba na joe" sho'- zo: zo: shaug' shaug' myi:byid: myi:yu mung: na: ako". Ai: daqid shi" li" mung: yao: bam alhab' nab: shid: lo" ra" ba na joe" sho' yao: bam mabeim: maso: lo: na: ako".