Versets bíblics populars de मर्कुस 9

Comparteix

येशुइ खुङला लाःसी, “ख्योइ चीले ‘ख्याइ खुउए लाःना’ लाःती लाःकुबा? सेमल्हुक लुगेन्दीइ नी थाम्जेर ताम पेःखुउए।”

दीखो ताम कोःलुङ्म्याःपा आबादीइ केताङ्देरा लाःसी, “ङाः सेमल्हुक लुगे। इःनाङ ङाःइ सेमला एःक्योक पाःकेन माःयोङ्ज्युक लाःती रोः पेःतेर।”

येशु खीम नाःङ्ला स्युःमीःजीक ओःला राःङ्सा सुङ म्याःक्योक तीःजीला योबाक्याइ येशुला टीःसी, “ङीःक्याइदी ओः हेन्डीला चीले तेङ्माःखुबा?” येशुइ लाःसी, “ओःन्डुबा हेन्डीदी प्रार्थना पेःदी चीग्रा तेङ्‍खुउए।”

छा याःबु इःङे इःनाङ छाइ प्व्राः तोर्सी लाःना ओःखोला ख्योक्याइ फीर्च्या काःन्डुले छालोक जोगेन्दी? ख्योक्या छा च्योःङ्‍रा काःल्ज्युक ओःले खाम्साङ्बुले डीक्‍ती तेः।”

“सुइ ङाःइ मीःनला पीःजाला तोःङ्ज्याङ पेःउबा, ओःखोइ ङाःलाङ तोःङ्ज्याङ पेःउए, ओःले सुइ ङाःला तोःङ्ज्याङ पेःउबा ओःखोइ ङाःला चीग्रा मीःङे इःनाङ ङाःला ताङेन ङाःइ आबालाङ तोःङ्ज्याङ पेःउए।”

तेःन्दामरा ङाः ख्याक्याला लाःके, सुइयाङ ख्योक्या थार्च्युगेन ख्रीष्टकीइदी इःङे लाःती ख्योक्याला ङाःइ मीःनला मेःन्ज्या काःङ छ्‍यु चीग्रा थुङ्जे तेर्सी लाःनाङ ओःखोइ इनाम ज्योर्केन एः।”

येशुइ फीर्च्या लाःसी, “सुइयाङ ङाःला सेमल्हुक लुगेन छ्‍यामेक्याला लाःयो पेःच्युसी लाःना, ओःखोइ जीङ्बाला छ्‍योम्बो लाःगोर प्याङ्दी चाङ्बुला क्युर्तेर्ना याःबु ओःङेन एः।

ओःन्डुलेरा ख्योइ मीइ ख्योला लाःयो पेःच्युए लाःना ओःखोला तेङ्तेर। ङीक्‍कार मी एःती ङ्‍याल्वाला स्युःजे भन्दा मी चीग एःती कोन्ज्योइ क्याःल्खापला स्युःजे ख्योइ लागी याःबु इःङे।