Versets bíblics populars de Lomu 11

Comparteix

Anu anusisi tava'u mimi mukalusi. Mo xo anu uxoxolu laso maixene mimi uxoxolu 'o. Manina misevile, mimi mukalusi ne uxoxolu so u'oxonu ualasou utilasi. Laso nenge kalumo taxolu ta'itinu ualasou ulai ulai utalo uasi.

Ai takuluke manina. Lavula­vuou Mosinge mulolutu mo mu'asi'asi musuku. Nenge taxa­lisou tava'u axova? Tamulinu tamulinu la anu loxo lautu misevile, taxalisou laxu avile uasi.

Xo loxo ulemolu no anu vaikalaou lexe, “Ena'ei mulavusou xavutalaou Tatananenge mukalu? Xo axova, itema vile mulosou lavulavu?

Ioxe, tatei ne tamitemaou Mosinge utuxa'a mixolu, tasiauxa'a avile uasi. Mi ne mumulinu axone muxali vaimomo 'o kalumo. Mosinge muiaiama mo musosovosi'a tamitemaou se'i no taine'i Taiuta. Tava'u so muso­sovosi'a ne no anu iaiamasi, mi so xaixai uasi. Xo loxo ukaline'i no anu xaixai laixe noxi'a la anene mi so iaiama uasi.

Ovu ne anu ovu olivi ane evile usaxila'u. Usaxila'u xe umaisou lexe avo'avolu se'i uxa­loxalo la uxotosou uxexe. Uxoto­sou uxexe la uno'u ovu olivi samele avolu. Uno'u ukalu la utoxosou no tanixu ane muxotosou muxexe. Utoxosou ne la anu uxolu mo tava'u ovu ne ulosou leme laixe. La ngingi tamitema noale'ale ne, ngingi loxo olivi samele avolu ane Mosinge motoxosinge no anu olivi tava'u. Laso mamu so ngingi nga'itingengi lexe ngingi talaixe noxi'a avo'avolu se'i no ovu noxou Mosinge ne. Xo anu ovu tava'u ne uno'u lemexu noxinge uasi. Ngingi ngano'u leme no anu tava'u.