ୟୀଶୁ ଏନ୍ କୁଡ଼ି ଲୋଃ ବାକାଣ୍ ତାନ୍ ଇମ୍ତାଗି ୟାହୁଦୀ କୋୱାଃ ଦୁନୁବ୍ଅଡ଼୍ଆଃ ରେନ୍ ମୁଖିୟା ୟାଇର୍ ରାଃ ଅଡ଼୍ଆଃ ଏତେ ହୋଡ଼ୋକୋ ହିଜୁଃକେତେ କାଜିକେଦାକୋ ଚି, “ଆମାଃ ହୋନ୍କୁଡ଼ି ଦୋ ଗୋଏଃ ଜାନାଏ। ନାଆ ଗୁରୁ କେ ଚିକାନ୍ ଲାଇ ଦୁକୁ ଏମାଇ ତାନାମ୍?” ମେନ୍ଦୋ ଅକନ୍ କାଜି ଇନ୍କୁ ବାକାଣ୍ ତାଇନାକୋ, ଏନାକେ ୟୀଶୁ କା ଆୟୁମ୍ତାନ୍ ଲେକା ବାଇଜାନାଏ, ଆଡୋଃ ୟାହୁଦୀ କୋୱାଃ ଦୁନୁବ୍ଅଡ଼୍ଆଃ ରେନ୍ ମୁଖିୟା କେ କାଜିକିଜାଏ, “ଆଲୋମ୍ ବୋରୋୟା, ବିଶ୍ଵାସ୍ ଭାଇର୍ ମାଣ୍ଡାଏମ୍।”