Versets bíblics populars de ମାର୍କୁସ୍ 11

Comparteix

ଏନାଲାଗିନ୍ ଇଙ୍ଗ୍ ଆପେକେ କାଜିପେ ତାନିଙ୍ଗ୍ ଚି, ଅକନାଃ ଅଗି ବିନ୍ତି କେତେ ପେ ଆସିୟା ଦୋ ବିଶ୍ଵାସ୍ ଏପେ ଚି ଆପେକେ ଏନା ନାମ୍‍ଜାନା ହାର୍ ଆପେୟାଃ ଲାଗିନ୍ ପାର୍ମେଶ୍ଵାର୍ ରିକାୟାଏ।

ଇଙ୍ଗ୍ ଆପେକେ ସାର୍ତିଗୀ କାଜିୟାପେ ତାନିଙ୍ଗ୍ ଚି ଜେତାଏ ହଗି ଏନ୍ ବୁରୁ କେ କାଜିୟାଏ, ‘ଆମ୍ ପାଟୁବ୍ କେନୋଃମେ ହାର୍ ସାମୁଦାର୍ ରେ ସେନ୍ କେତେ ଉୟୁଗୋଃମେ,’ ହାର୍ ଆଜାଃ ମୋନ୍ ରେ କାଏ ସାନ୍ଦେହ୍ ୟାଏ, ମେନ୍ଦୋ ବିଶ୍ଵାସ୍ ୟାଏ ଚି ଅକନାଃ ଇଙ୍ଗ୍ କାଜି ତାନିଙ୍ଗ୍ ଏନା ହୋବାୱା, ଦୋ ଇନିଜାଃ ଲାଗିନ୍ ଏନାଗି ହୋବାୱା।

ହାର୍ ଚିମ୍ତାଙ୍ଗ୍ ଅଗି ଆପେ ତିଙ୍ଗୁ କେତେ ବିନ୍ତି ୟାପେ, ଏଣ୍ଡେ ଆପେୟାଃ ମୋନ୍ ରେ ଜେତାୟାଃ ଲାଗିନ୍ ଜାହାନାଃ ବିରୋଧ୍ କାଜି ତାଇନ୍ ରେଦୋ, ଇନିଃକେ ଛାମା ତାଇପେ: ଏନାଲାଗିନ୍ ଚି ଆପେୟାଃ ସିର୍ମାଦିଶୁମ୍ ରେନ୍ ଆପୁ ହ ଆପେୟାଃ ପାପ୍ କୋକେ ଛାମା ରିକା ପେୟାଏ।

ୟୀଶୁ ଇନିଃକେ କାଜିରୁଆଡ଼୍ କିଜାଏ, “ବିଶ୍ଵାସ୍ ମାଣ୍ଡାଅ ଏମେ ପାର୍ମେଶ୍ଵାର୍ କେ ଚିନାଃ ଆସିୟାପେ ଏନା ରିକାୟାଏ।

ଏନ୍ତେ ଇନିଃ ହୋଡ଼ୋକୋକେ ଶିଖାଅ କେଃକୋୱାଏ ହାର୍ ଇନ୍‍କୁକେ କାଜିକେଦାଏ, “ଚିନାଃ ନେୟା ପାବିତାର୍ ପୁଥି ରେ କା ଅଲାକାନା ଚି, ‘ଇଙ୍ଗ୍ଆଃ ଅଡ଼୍ଆଃ ସବେନ୍ ଜାତି ରେନ୍ ହୋଡ଼ୋକୋ ଲାଗିନ୍ ବିନ୍ତି ରାଃ ଅଡ଼୍ଆଃ କାଜିୟୋଗା?’ ମେନ୍ଦୋ ଆପେ ନେୟାକେ ଡାକୁ କୋୱାଃ ଅଡ଼୍ଆଃ ବାଇକାଦାପେ।”

ଚିମିନାଙ୍ଗ୍ କୋ ଆଜାଃ ଆୟୁର୍-ଆୟୁର୍ ସେନ୍ କେଦାକୋ ହାର୍ ଚିମିନାଙ୍ଗ୍ ଦୋୟା-ଦୋୟା ହିଜୁଃ ତାଇନାକୋ, ହାର୍ କାଉରି-କାଉରି କାଜିତୋର୍ଷା ସେନ୍ ତାଇନାକୋ, “ହୋଶାନ୍ନା! ଧାନ୍ୟା ତାନିଃ ଇନିଃ ଅକନିଃ ପ୍ରାଭୁ ଆଃ ନୁତୁମ୍ ତେ ହିଜୁଃ ତାନାଏ!

ଆବୁୱାଃ ପୁର୍ଖା ରାଜା ଦାଉଦ୍ ରାଃ ରାଇଜ୍ ହିଜୁଃ ତାନା, ଏନା ମାନାରାଙ୍ଗ୍ ହୋବାଅଃକା, ସିର୍ମାଦିଶୁମ୍ ରେ ହୋଶାନ୍ନା! ପାର୍ମେଶ୍ଵାର୍ ରାଃ ମାନାରାଙ୍ଗ୍।”