Versets bíblics populars de मर्कूस 16

Comparteix

येशू ओइन्हे कलाँ, “संसारमे हरेक ठाउँ जाऊ और सक्कु मनैनहे खुशीक खबर सुनाऊ।

जेने मोरिकमे विश्वास करहीँ, ओइने यी चमत्कार करे सेक्हीँ। मोरिक नाउँमे ओइने भूत्वनहे भगैहीँ, और मै ओइन्हे असिन बनैम कि ओइने अन्य भाषा बोले सेक्हीँ। यदि ओइने बिखार सँप्वा उठालिहीँ कलेसे फेन मै ओइन्के सुरक्षा करम। यदि ओइने कौनो विष पिलिहीँ कलेसे फेन मै उहिसे ओइन्हे कौनो नोकसान हुई नै देहम। ओइने बेमार मनैनके उप्पर अपन हाँथ धरहीँ, ते मोरिक नाउँक कारण बेमार मनै चोखाजैहीँ।”

जे केऊ फेन मोरिकमे विश्वास करी, चिन्हक रुपमे उहिहे डुब्कि देऊ कि ऊ आब मोरिकमे विश्वास करत। और परमेश्वर उहिहे ओकर पापके सजाय मिल्नासे बँचैहीँ। पर जे मोरिकमे विश्वास नै करी, ओकर पापके सजाय परमेश्वर उहिहे दिहीँ।

तब् चेलनके हरेक ठाउँमे गैलाँ, और खुशीक खबर सक्कु ठाउँमे प्रचार करलाँ। प्रभु ओइन्के सहायता करलाँ और देखैलाँ कि ओइन्के देहल खबर परमेश्वरके ओहोँरसे रहे। आमेन! (यकर मतलब हुइत, अस्तेहेँ होए।)

जवान मनैया उ जन्नीनहे कहल, “ना डराऊ, का तुहुरे नासरत गाउँक येशूहे खोजतो? जे क्रूसमे मुवागिल रहिँत। ऊ ते मुके फेनदोस्रे जित्ती होके उठ्गिल बताँ, ऊ यहाँ नै हुइताँ। उ ठाउँहे हेरो, जहाँ ऊ धारगिल रहिँत।

पर जब ओइने उप्पर हेरलाँ, ते ओइने देख्लाँ कि उ बरवार पठरा ते भित्तर जैना मोह्करमेसे पैलेहेँ उस्टागिल बा। जब उ जन्नीन चिहानके लग्गे अइलाँ, और भित्तर गैलाँ, ते ओइने एकथो जवान मनैयाहे चहकार उज्जर लुग्गा घालके अपन दाहिन ओहोँर बैठल देख्लाँ, और ओइने घब्रागिलाँ।