Versets bíblics populars de मत्ती 18

Comparteix

काबरकि जिहां दुई झन आखिर तीन झेमन मोर नांव में जुटथें, उहां मंए ओमन कर मझारे रथों।”

मंए तुमन ला फेर कहथों, अगर तुमन में ले दुई झन मईनसे, एक मन होए के धरती में कोनो बात बर पराथना करीहा, त मोर दाऊ जेहर सरग में हवे, ओ काम ला तुमन बर पूरा कएर देही।

ईसू हर एगोट छोटे लईका ला बलाईस, त ओमन कर मझारे ठढूवाए के कहीस, “मंए तुमन ला फूरोंच कहथों कि जब ले तुमन नई बदलिहा अऊ लईका मन कस नई बनिहा, तब तक तुमन सरग कर राएज में जाए नई सकीहा।

तेकर ले जे कोनो हर अपन-आप ला ए लईका मन कस नरम करथे, ओही हर सरग कर राएज में सबले बड़खा हवे।

अऊ जे कोनो हर मोर नांव में एगोट अईसन छोटे लईका ला अपनाथे, ओहर मोके अपनाथे।

“मंए तुमन ला फूरोंच कहथों कि जे जाएत तुमन धरती में बांधिहा, ओहर सरग में बंधाही अऊ जे जाएत ला तुमन धरती में खोलीहा, ओहर सरग में खुलही।

ए अहना कहे कर पाछू ईसू हर फेर कहीस “एही कस अगर तुमन में ले सबेच झन अपन भाई बहिन ला अपन पूरा हिरदय ले छमा नई करीहा, त सरग कर मोर दाऊवोच हर तुमन सबेच झन ठे अईसनेच करही।”

बकिन जेहर मोर ऊपरे बिस्वास करोईया ए छोटे मन ले कोनोच ला पाप में गिराथे, त ओकर बर बढ़ियां होतीस कि ओकर ढेंटू में जनता ला टाएंग के अऊ ओके समूंदर में ढकेल देहल जातीस।

तुमन का सोंचथा? अगर कोनो मईनसे जग सव ठन भेंड़ी हवें अऊ ओमे ले एक ठे भेंड़ी हर भुलाए जाथे, त का ओ निनानबे भेंड़ी मन ला पहार उपरे छोंएड़ के ओ एगोट भुलाल भेंड़ी ला खोजे बर नई जाए?