Versets bíblics populars de Matáyɔ 24

Comparteix

Mpɔ ɓojeɗe aɛmbande, ekondi á ɓakpa ɓásii asiande. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande ka měma.

Ɓáphɛande Mbino-Ánjá á koɓoamɛ ka Mokonda bui ka gea, ɓakpa ɓɔbu ɓáɗigimisɛ ú. Mpɔ sungiaga áojua.

Ɓoɔ́kande ndu émani bíbí, na mbino émani á ɗanga. Ɓókoɓángɛ mɔnɔ gǎkɛ. Nga, nndɔ bui akeni átɔtɔkɛanɛ. Káɓɛku gǎkɛ sungiaga á mokonda ungɔ.

Ɓato á k'ékuna moci ɓámanande na ɓato á k'ékuna nɛngbo, koɓoamɛ moci amanande na koɓoamɛ nɛngbo. Monganya na ɓaningina aɓande ka nji ɗanga-ɗanga. Kema ndɔ bui aɓande ɓea ɓoaé á k'ama mosá-mosá.

Koba na mokonda, anyɛ́nyande. Nyɔngɔ nɛmɔ gǎkɛ unge kányɛ́nyɛku.

Nga, ɓakpa ɓásii ɓábikande k'ína ani, ɓáogea: ‹Eme aámbé, nende Kiísito.› Ɓáedemagande ɓakpa ɓásii phɛɛ.

Ɓánɔtɔngande ka tambisaga na mowa anu. Ɓakpa ɓɔbu ɓánokangeande ka nyɔngɔ á ina ani. Ka mbenɔ ndɔ, ɓakpa ɓásii ɓásagande ɓeekea nɛɓɔ. Ɓátɔnganande na kangeana. Ɓaɔtu-nyɔngɔ á mbɛa ɓásii ɓákiɗianande, ɓáǒdema ɓakpa ɓásii.

Yéso áǒsikisia te: «Ɛ́ngɛphani! Nkpa kanódemɛmbɛ.

Kaɓondɔ unge, ɓenu phɔtɔ ɔ́ɓɔngisiagani nga, Muna-Nkpa abikande ka mbenɔ nde ɓókóosenda.

Cɔ, ɛ́ngɛphani nga, ɓókóoúba esa nde Mɔkɔta nɛnu abikaeka.

Ka nyɔngɔ á esa ndɔ na mbenɔ ndɔ, nna na nkpa nde aoúba ú. Kaɓɛ ɓamalaéka na koba, kaɓɛ eme Muna-Nkpa, tɔndɔ Abɛ.

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Nyɔngɔ nde ɗányɛ́nyi ka matú ndea Nɔ́a, aunge aɓande phɔtɔ ka matú á bika á Muna-Nkpa. Nga, ka matú ndɔ, mosá á tuma á iɓo phɛɛ, ɓakpa ɗáɓáoeaga, ɓáonoa, ɓáɔɔmana na ɔmanisa á ɓaniki nɛɓɔ na ka ɓî Nɔ́a ɗángí suɓi á koko ángbó. Ɗáɓákáosenda ka kema, na ka ɓî iɓo ɗátúmi phɛɛ áǒmia ɓɔbu. Aɓáeka tɔ ɓó esa nde Muna-Nkpa abikaeka.