Versets bíblics populars de JOHANES 2

Comparteix

Enda me tanda sengget si pemena ibahan Jesus i kuta Kana i daerah Galilea. IcidahkenNa kuasaNa si mbelin e maka ajar-ajarNa tek man baNa.

Ngaloi Jesus, “O nande, labo man aturenkenndu kai si man bahanenKu. PaksangKu langa seh.”

Nina Jesus man serayan e, “Isi tambe e alu lau seh dem.” E maka idemi kalak ndai tambe e. Jenari nina Jesus man kalak e, “Genduari jaruk lau e sitik jenari baba man sukut i bas kerja enda.”

Erjabap Jesus, “Runtuhkenlah rumah Dibata enda, maka i bas telu wari Kupajekken ka mulihi.”

Jesus erbahan cambuk si idandan i bas nali nari. Alu e iligasiNa gelah ndarat asuh-asuhen e kerina i bas Rumah Peroton nari: subuk lembu, biri-biri. ItunggalingkenNa meja-meja kalak si nukari duit, seh maka merap duitna e kerina. Man kalak si erbinaga nderapati nina Jesus, “Angkat ndarat barang-barangndu e! Ola bahan rumah BapangKu jadi ingan erbinaga!”