Versets bíblics populars de KEJADIN 32

Comparteix

Nina dilaki ndai, “Genduari lanai Jakup gelarndu. Enggo erbebe kam ras Dibata ras manusia, janah enggo kam menang. E maka Israel ibahan gelarndu.”

Nina dilaki ndai, “Pulahi aku, enggo nandangi terang wari.” Tapi nina Jakup njabapsa, “La kam kupulahi adi la ipasu-pasundu aku lebe.”

tapi ia tading si sada arah pudi. Kenca bage reh sekalak dilaki erbebe ras ia seh nandangi pultak matawari.

Nina Jakup, “Enggo pedempak aku ras Dibata, tapi tetap denga aku nggeluh.” E maka Peniel ibahanna gelar ingan e.

Kenca ieteh dilaki ndai maka la ia banci menang i bas perbeben e, e maka ipekpekna bena paha Jakup seh tersiher.

“Kai gelarndu?” nina dilaki e nungkun. “Jakup,” nina njabapsa.

Nina Jakup, “Genduari kataken ka gelarndu.” Tapi nina njabapsa, “Man kadendu meteh gelarku?” Kenca bage ipasu-pasuna Jakup.

La metunggung aku ngaloken ulina perbahanenNdu ras pertetap ateNdu si enggo icidahkenNdu man bangku, suruh-suruhenNdu. Sanga aku ngepari Lau Jordan sada ciken ngenca lit i bas aku, genduari enggo mulih aku alu si dua nterpuken enda.

Seh ngayak genduari kesusuren Israel la man jukut bena paha rubia-rubia sabap Jakup kena pek-pek i bas bagin e.

Kenca e ertoto Jakup, “O Dibata si isembah niningku Abraham, si isembah bapangku Isak, begiken min aku! Isuruhndu aku, o TUHAN, gelah aku mulih ku tanehku, ku keluargangku, janah ikatakenNdu maka Kam erbahanca kerina erdalan alu mehuli man bangku.

Ertoto aku, pulahi min aku i bas seninangku Esau nari. Mbiar aku reh ia merang aku ras ngelesapken kami kerina, subuk diberu bage pe danak-danak.