Versets bíblics populars de KEJADIN 28

Comparteix

Inget lah, Aku ras kam dingen ngkawali kam ku japa pe kam lawes, janah Aku ka pagi maba kam mulih ku taneh enda. La Kutadingken kam seh enggo dung Kulakoken kerina si Kukataken bandu e.”

Tedis TUHAN i deherna nina, “Aku kap TUHAN, Dibata Abraham ras Isak. Man bandu ras man kesusurenndu Kubereken taneh inganndu medem enda.

Medak me Jakup, jenari nina, “I jenda kepe TUHAN; ndai la kueteh maka IA i jenda!”

Kenca bage ersumpah Jakup man TUHAN, “Adi itemani Dibata aku janah adi ikawaliNa aku i bas perdalanenku, janah adi iberekenNa bangku uis ras pangan, adi selamat aku mulih ku rumah bapangku, e maka TUHAN me jadi Dibatangku. Batu peringet-ingeten si enggo kupajekken enda pagi jadi sada Rumah Dibata, janah kubereken pagi sepersepuluh i bas kasa kai si iberekenNdu bangku.”

Kesusurenndu bali pagi ras abu taneh teremna. Ipebelangna daerahna kempak apai pe. Arah kam ras kesusurenndu kerina bangsa i doni enda ndat pasu-pasu i bas aku nari.

Ibahanna gelar ingan e Betel. (Ope si e kuta enda igelari kalak, Lus.)