Versets bíblics populars de KEJADIN 26

Comparteix

I jenda me kam ringan, Aku sinemani kam ras si masu-masu kam. Kubereken pagi kerina negeri enda man bandu ras man kesusurenndu. Kucikep padanKu si Kubahan man bapandu Abraham.

Kubereken man bandu kesusuren seri buena ras bintang i langit, janah negeri enda kerina Kubereken man bana. Kerina bangsa-bangsa i babo doni enda ndat pasu-pasu i bas kesusurenndu. Kupasu-pasu kam erkiteken Abraham erkemalangen man bangKu, janah ikutkenna kerina pedah-pedahKu ras perentahKu.”

Miser ka ia jenari, janah i je ikalina ka sumur si deban. Si enda lanai jadi perubaten. Em sabapna maka ibahan Isak gelar sumur e “Kebebasen”. Nina Isak, “Genduari enggo ibere TUHAN kita bebas nggeluh i bas negeri enda e maka la banci lang senang siakap janah jadi nterem i jenda.”

Icidahken TUHAN baNa man Isak nina, “Ola kam lawes ku Mesir. Tetaplah kam ringan i bas negeri enda, i bas ingan si Kukataken man bandu.

Ipajekken Isak sada batar-batar ingan persembahen i jah, isembahna TUHAN. Kenca bage ipajekkenna kemahna i je, janah ikali suruh-suruhenna ka sumur i je.