Versets bíblics populars de Génesis 35

Comparteix

Jee suni nkachiꞌ Ndiosíꞌ nu̱u̱nꞌ re̱ꞌ: ―Nuꞌuꞌ ví Ndiosíꞌ ya̱ níso ni̱ꞌ nɨꞌɨ ntántúníꞌ fuersáꞌ ííꞌ. Nataꞌviꞌ víꞌí ka̱ꞌ jee kukueꞌeꞌ ka̱ꞌ ichiyúkúnꞌ nú, jee kene nu̱u̱nꞌ noꞌó ɨɨn nación jín kue̱ꞌe̱ꞌ víꞌí rá ñuunꞌ. Jee ne̱ nu̱u̱nꞌ yɨkɨkúñu nú kene rá ichiyúkúnꞌ nú ya̱ kuvi rá te̱e tatúníꞌ. Jee ñuꞌun ya̱ njia̱ꞌa ni̱ꞌ nu̱u̱nꞌ Abraham jín nu̱u̱nꞌ Isaac, jee suni táji ni̱ꞌ maa nu̱u̱nꞌ nú, jee suni ku̱ꞌva ni̱ꞌ maa nu̱u̱nꞌ rá ichiyúkúnꞌ nú ―nkachiꞌ Ndiosíꞌ nu̱u̱nꞌ Jacob.

Jee nakuiñɨꞌ‑órán jee kɨ̱nkaa‑órán nu̱u̱nꞌ ñuꞌun Betel, chi yukuán samaꞌ ni̱ꞌ yu̱u̱ꞌ sáva saꞌá ni̱ꞌ ɨɨn nu̱u̱nꞌ sáva so̱ko̱ꞌ‑ó nu̱u̱nꞌ Ndiosíꞌ ya̱ nna̱xiníkó re̱ꞌ nu̱u̱nꞌ nuꞌuꞌ jee chíneí re̱ꞌ nuꞌuꞌ sáá i̱yó ni̱ꞌ jín tu̱ꞌun núkuíꞌyáꞌ iniꞌ, jee kútáꞌán re̱ꞌ jín ni̱ꞌ né ni nkúvi nu̱u̱nꞌ kua̱ꞌa̱nꞌ ni̱ꞌ ―nkachiꞌ Jacob.

“Maánú naní Jacob, soo nku̱nání ka̱ꞌ súví nú Jacob, chisaꞌ Israel kuvi súví nú” nkachiꞌ Ndiosíꞌ, jee nsi̱kúnání‑i re̱ꞌ Israel.

Saájee nkachiꞌ Jacob nu̱u̱nꞌ rá táꞌán veꞌi re̱ꞌ jín nu̱u̱nꞌ ntáká rá ñɨvɨ ya̱ kútáꞌán jín re̱ꞌ: ―Siíyo rán nɨꞌɨ rá inka ndiosíꞌ ya̱ ntu kúvi ráa máá Ndiosíꞌ tékúꞌ, ya̱ íyó ráa nteñu‑órán ya̱ kúvi ráa rá ndiosíꞌ ya̱ néñu̱ꞌun rá inka ñɨvɨ, jee nasaꞌá noo rán ñunéꞌyúꞌ rán jee sama rán saꞌma ñuꞌun rán.

Nkachiꞌ Ndiosíꞌ nu̱u̱nꞌ Jacob: “Nako̱o jee kuáꞌán kuneeꞌ nú nu̱u̱nꞌ ñuꞌun naní Betel jee nu̱u̱nꞌ ñuꞌun yukuán samaꞌ nú yu̱u̱ꞌ nu̱u̱nꞌ so̱ko̱ꞌ nú sa̱na̱ꞌ nu̱u̱nꞌ nuꞌuꞌ ya̱ kúvi Ndiosíꞌ sáva kuneñu̱ꞌun nú nuꞌuꞌ ya̱ nkitu̱vi ni̱ꞌ nu̱u̱nꞌ noꞌó sáá nkenekunu yuꞌuꞌ nú nu̱u̱nꞌ ñaniꞌ nú Esaú”, nkachiꞌ maá Ndiosíꞌ.

Soo sáá kéne ta̱chi̱ꞌ káꞌánꞌ ña, jee nsi̱kúnání ña súví te̱e lúlí vá Benoni, jee ni̱ꞌi̱ꞌ ña. Soo tátáꞌ‑a nsi̱kúnání maa Benjamín.