Versets bíblics populars de मरकुस 10

Comparteix

किन्देंखे के आदमी का बैटा ईन्देखे ने आऐ रंई, के तेस्की के सेवा कर्ली, परह् से ईन्देंखे आया के जीवन दी आपु ओकी की सेवा भगत्त करला, अरह् भहीते लोगो पाप शे छुड़णों खे आप्णी जीन-पराँण बल़ीदाँण करह्।”

प्रभू यीशू ऐ तिनके ढबे दे:खियों बुलो, “आदमी के जाँणे तअ हई ने सक्दो, परह् पंणमिश्वर शो हऐ सको, किन्देंखे के पंणमिश्वर शो सब-कुछ हऐ सको।”

प्रभू यीशू ऐ बुलो, “ज़ा, तेरे बिश्वाष ऐ ताँव बंचाऐयों चाँगा करा” अरह् से तैख्णी दे:ख्दा लागा, अरह् से प्रभू यीशू की गईलो हुटा।

ईन्देंखे जिनू पंणमिश्वर ऐ जूड़ी थुऐं, तिनू कुँऐं भे आदमी ज़ई ने करे।”

प्रभू यीशू ऐ तेसी पियार शा तेसी टक-टकी लाऐयों दे:खा; अरह् तेस्खे बुलो, “ताँव दे ऐक कमी हजो भे असो, ज़ा जू किऐ ताँव कैई असो, तैथू बिकियों गरीब कंगालो खे बाँडी दे, अरह् मुँह पाछी चाल, अरह् ताँव स्वर्गो दो धंन भेंट्दो,”

ईन्दें गाशी प्रभू यीशू ऐ तेस्खे बुलो, “तू का चाँऐं, के हाँव ताँव्खे करू?” तेने तिनखे बुलो, “हे गुरू जी! हाँव ऐजो चहाऊँ के हाँव दे:ख्दा लागूँ।”

परह् तुँओं मुँझी ऐष्णो ने हुओं चेंई, परह् जुण्जा तुँओं मुँझी बड़ो बंण्णों चहाँव, से तुवाँरा आगे दास बंणल़ा।

हाँव तुँओं खे खास बात बुलू, के जू कुँऐं पंणमिश्वर को राज्य नहाँन्ड़िया जेष्णों ने माँन्दा, तअ सेजा आदमी कद्दी भे पंणमिश्वर के राज्य दा ज़ाऐं ने सक्दा।”

परह् बैजाऐ भहुते लोग जू आगे-आगे असो, से पाछू दाँई रंह्दें, अरह् जुण्जे पाछे असो से आगू दाँई हंदे।”

परह् संईसारी की रंच्णा के शुरू शो पंणमिश्वर ऐ नंर-नाँरीं करियों बंणाऐ। तबे ही आदमी आप्णे माँ-बाबा शे ज़ई आप्णी तिरंई आरी रंह्। अरह् से दुईनें ऐक तंन हले, ईन्देंखे से ऐबे दो ने परह् ऐक तंन असो।