Versets bíblics populars de UPUTUKILO 32

Comparteix

Iye yamba ngwenyi, Jina lie kulichi kupwa nawa Yakomba, alioze mulipwa Izalele, mumu walitachika ni Zambi, walitachika ni atu, wakumba.

Mba mwe lunga yamba ngwenyi, Ngweche nguye, mumu kunachi. Iye yamukumbulula ngwenyi, Chichi kukwecha ndo munguwahisa.

Yakomba yasala ukawenyi. Kwenako walitachikile nenyi umwe lunga ndo ku kucha cha tangwa.

Yakomba yalukako jina ngwenyi, Penwele, mumu ngwenyi, Hinamona Zambi meso ni meso, hindu hangwaha mwono wami.

Muze amwene ngwenyi, Kenu ngunamuse, yamukwata mu chitongo, mba chitongo cha Yakomba chasengunukine shimbu te machilitachika nenyi.

Yamuhula ngwenyi, Jina lie iya? Yakumbulula ngwenyi, Yami Yakomba.

Mba Yakomba yamuhula ngwenyi, Ngulweze kama jina lie. Iye yakumbulula ngwenyi, Kuchi te unahula jina liami? Kwe kuze yamuwahisa.

Ami chatelele, chipwe hakehe, utu wa zango lie ni umwenemwene we walweza kuli yami kuvumbi ke. Mumu nazaukile yono Yordau ni mulumbu wami, haliapwila hinapwa yendo yiali.

Kashika ana a Izalele keshi kulia mujipa wa chitongo mumu iye wakwachile chitongo cha Yakomba mu mujipa wacho.

Mba Yakomba yalemba ngwenyi, Zambi ya kaka Apalahama; Zambi ya tata Izake; Mwene, yena wambile kuli yami ngwe, Hiluka ku chifuchi che, kuli usoko we, mba mungukakuwahisa.

Ngunaliumbu, ungupulule ku kwoko lia yaya Esau, mumu woma ngunevu kuchina meza nikungupupa ni anaye hamwe ni ana.