Versets bíblics populars de 'Olic 146

Comparteix

O mapadamaay no Kawas ni Yakop a tamdaw i, tada o malmeday, o miti'eray a tamdaw to TAPANG a Kawas ningra i, tada o malmeday.

Aka piti'er kamo to no i hkalay a kakridan, aka pipaso'lin to mamapohed a tamdaw, caay ko papakapa'orip cingra i tamowanan.

Mipa'ading Cingra to mo^cel i masamsamay a tamdaw, paflien Ningra to kakaenen ko macahiway a tamdaw. Tdalen no TAPANG ko mapalitay a tamdaw a mipakonira, papipaka'arawen no TAPANG ko mata no mapohaway a tamdaw, padamaen no TAPANG a palowad ko masamsamay a tamdaw, o kaolahan no TAPANG ko mo^celay a tamdaw.

O nisanga'an no Kawas ko kakarayan ato sra ato riyar ato i laloma'ay nonini a maamaan a ma^min, mado^do Ningra ko niktonan Ningra a sowal a tahada'oc.

Dipoten no TAPANG ko pacarcaray a maro' a roma a finacadan, padamaen Ningra ko pakoyoc a wawa ato maponengay, nikawrira, palasawaden Ningra ko nisahalakaan no tatiihay a tamdaw.