Versets bíblics populars de 'Olic 119

Comparteix

O mikriday a padawdaw to rakat ako ko sowal Iso, o likat no lalan no 'orip ako.

Pakifaloco'en ako ko sowal Iso, ta caay ka ciraraw kako i Tisowanan.

Samaanen no kapah ta makorac ko 'orip ningra saw? O nipido^do to limo'ot Iso ko sakakorac ningra.

O mido^doay to limo'ot no TAPANG, o masarocoday ko faloco' a milongoc i Cingraan i, o malmeday.

O midipotay i takowan Kiso, o sapatada ako Kiso, o niktonan Iso a sowal ko pafaloco'an ako.

Nanay tadtaden a pasifana' kako to rikec Iso, mangalay kako a ma'imer a masarocod ko faloco' a mido^do.

Nanay papiolahen Iso kako a papido^do to rikec Iso, onini ko ikakaay to nika 'anof ako to dafong.

O sakaci^poc ako ko nika tfoc ako, nawhani o papinanamay i takowanan to limo'ot Iso konini.

Saka, yo mapades kako i, mahinom kako, nawhani o niktonan Iso a sowal ko misafa^lohay to 'orip ako.

Nanay kriden Iso kako a parakat i lalan no limo'ot Iso, nawhani nai itira a miala kako to sakalipahak ako.

TAPANGAW, nanay pakafana'en kako to tatodong no rikec Iso, mangalay kako a mararid a mido^do.

Tadamararom kako, nanay do^doen Iso ko niktonan Iso a sowal a patanektek i takowanan.

Tadamaolah kako to rikec Iso, saromi'ami'ad sa kako a miharateng tonini.