Versets bíblics populars de Taneng 21

Comparteix

O milongocay to mo^cel ato adayay ko faloco' a tamdaw i, o kako'daw ko 'orip ningra, o kakangodoan no tamdamdaw cingra.

O masongila'ay ko pisahalaka a misafaco a tamdaw i, o sakacidafong ningra. O forifor sanay a macaloh ko dmak a tamdaw i, o sakalapakosiya ningra.

O mina'onay to ngoyos ato sma a tamdaw i, o saka^ca ka pades ningra.

O harateng no tamdaw i, matamaay a ma^min ko no mako a dmak saan, nikawrira, mihapinang ko TAPANG to rarangian no dmak ningra.

Ma^deng ko tamdaw a misa'opo to sofitay, mi'aca to ^fa, mipatala to sapilood, nikawrira, o sapakalowid no tamdaw i, o TAPANG ko pi'arawan.

O pidmak to marayasay ato mo^celay a dmak i, ikaka no nika olah no TAPANG a milayap to sapato'aya ko nika olah Ningra.

Oya taneng ato tangal ato nisahalakaan iso a ma^min i, caay ko papakatena' to TAPANG.

O mipo^tay to tangila a caay pitngil to pingitangit no pakosiya a tamdaw i, ano mingitangitto cingra to pipadama no tao i, caayto pikihar ko tao i cingraan.