Versets bíblics populars de Taneng 15

Comparteix

O palasawaday to kter ko damsayay a pipaca'of, nikawrira, o mipalowaday to kter ko ca^desay a sowal.

O mingodoay to TAPANG i, o pinanam to taneng, ano sakatadamaanan ko tamdaw i, i 'ayawho a minanam a misapo^ner to faloco'.

O damsayay ko caciyaw a tamdaw i, matomes no kanga'ayan, nikawrira, o mitoleday to faloco' ko mali'akongay a sowal.

Ano milayap to ci^pocay a sowal i, caay ka ^ca ka lahci ko dmak, ano caay pisahalaka ko tamdaw to dmak i, caay ka lahci ko dmak.

O lipahakay a tamdaw i, matawa ko pising ningra, o mararomay a tamdaw i, matoled ko pising ningra.

Ma'araw no TAPANG i cowacowa ko dmak, matapal Ningra ko nga'ayay ato tatiihay a dmak ita a ma^min.

O nika lapakosiya a mita'ong to TAPANG ko nga'ay to nika cidafong a adihay ko rawraw no faloco'.

O karakteray a tamdaw i, mipalowad to sakacacolicoli, o pakahadidiay a tamdaw i, o misanga'ay to sakararihaday.

O mo^celay a tamdaw i, misaharateratengho ta paca'of, o tatiihay a tamdaw i, tangsol sa a paca'of to sakapades ningra.