Versets bíblics populars de Taneng 1

Comparteix

O tatapangan no sakacitaneng ko nika ngodo to TAPANG. O maapaay a tamdaw i, caay ka limla to sakacitaneng, ma'osi a minanam. Wawaaw, pitngil to sowal no mama iso, pakifaloco'en ko sowal no ina iso.

Malasakapatay no mafokilay a tamdaw ko nika 'osi nangra a citaneng, sarihaday sanay a maapaay a tamdaw i, o sakatkop ningra ko nika matira ningra. Nikawrira, o mitngilay to sowal ako i, o rarihaday ko 'orip nangra, awaay ko katalawan nangra,>> saan.

O sakatongal no fana' no citanengay a tamdaw ato sakacilalan no faloco' no citangalay a tamdaw konini

Wawaaw, ano ira ko tatiihay a tamdaw a mikayhid tisowanan i, aka pikihatiya.

O matiliday i tini tonini a cudad i, o taneng a sowal ni Solomon o hongti no Israil, o wawa ni Tafiti. Onini i, o sakacitaneng ato sakafana' no tamdaw to ci^pocay a dmak ato sakafana' no tamdaw to tatodong no talolongay a sowal. O pakafana'ay to tamdaw konini to sakacitangal a milahci to dmak a ma'orip ato samaanen a malaso'linay ato malamarayasay ato malamo^celay a tamdaw. O sakacitangal no mafokilay a tamdaw, o romasato, o sakafana' no kapah a masinanot ko harateng.

Itiya i, o mamitahidang kamo a milongoc i takowanan, nikawrira, caay ko papaca'of kako, o mamikilim kamo i takowanan, nikawrira, caay ko mamatama namo kako. O mi^pecay kamo to fana', o caay ka ngodo kamo to TAPANG.