Versets bíblics populars de Maroko 8

Comparteix

O limlaay to 'orip no tireng a tamdaw i, o mamafalah ningra ko 'orip ningra. Nikawrira, ano saki Takowanan ato saki Nga'ayay Ratoh ko pikinafalah no tamdaw to 'orip ningra i, o mamilayap to 'orip cingra.

Ano ci^ta^tan ko cima a tamdaw to polong no hkal i, nikawrira, ano mafalah ningra ko 'orip no tireng i, o maan ko ^poc saw?

Nanoya, tahidangen ni Yis ko finawlan ato nisawawaan Ningra a papiraod i Cingraan, pasowal sa i cangraan, <<Ano cima ko sapitoorananay i Takowanan i, falahen ko no tireng a harateng, 'orongen ko ciwcika no tireng, tooren Kako.

O maanho ko sapalolol ningra to 'orip no tireng? Ano ira ko pakangodoananay i Takowanan ato sowal Ako i tini tona ma'odangay ato tatiihay a hkal i, itiya yo malahaklongto ko Wawa no Tamdaw ato fangcalay a coyoh i 'dil no Wama Ningra a tayni i, o mamapakangodo Ako cingra,>> han Ningra.

Licayen haca ni Yis cangra, <<Ano hatira i, pakocima kamo i Takowanan?>> han Ningra. Paca'of sa ci Pitiro a somowal, <<Ci Kristo Kiso,>> han ningra.