Versets bíblics populars de Matay 28

Comparteix

Orasaka, katayra kamo a palanisawawaan Ako to polong no kasakitakit ato kasafinawlan. Ta pakaynien i ngangan no Wama ato Wawa ato Fangcalay 'Adingo ko nipipaino' i cangraan. O romasato, pasifana'en cangra a papi'imer toya nipalimo'otan Ako i tamowanan a ma^min. Haratengen! O mamararid Kako a mikapot i tamowanan, tangasa i pahrekan no hkal,>> han ni Yis.

Raod sa ci Yis i cangraan a pasowal, <<Mapatorodayto i Takowanan ko polong no sapikowan to kakarayan ato hkal a 'icel.

Pasowal sa koya coyoh toya fafahifahiyan, <<Aka ka talaw! Mafana' kako to nika o mikilimay kamo ci Yisan oya nipacekan i ciwcika. Awaayto i tini Cingra. Mato sowal Ningra i 'ayaw, lomowadayto Cingra a ma'orip nai patay! Katayni kamo, nengnengen ko nano pitlian i Cingraan.

Itiya i, pasowal sa ci Yis i cangraan, <<Aka ka talaw. Olili. Pasowalen ko salikaka Ako, o sowal ni Yis i, Katayra i Kalili. O mama'araw namo Kako itira, saan ci Yis han a pasowal,>> han Ningra.

Itiyasato, masa'opo a masasowasowal koya kakridan no citodongay to ta'ong ato kalas no niyaro' to saka^caaw ka losiyang nonini a dmak. Saka, paflien nangra to adihayay a payso koya sofitay a somowal, <<Yo mafoti' kami to lafii i, ira ko nisawawaan Ningra a mitakaw a pasadak ci Yisan, han ko sowal. Ano matngitngil no mikomoday konini a sowal i, kami sato ko mafana'ay a somowal, ta awaay ko maan namo,>> han nangra. Saka, ala hanto noya sofitay koya payso a mido^do to nano sowal nangra i cangraan. Tahanini a matnak i Yutaya a tamdamdaw konini a sowal.