Versets bíblics populars de Matay 24

Comparteix

O mamatongal ko tatiihay saka, o mamafasaw ko olah no 'alomanay a tamdaw to Kawas. Nikawrira, o pakahadidiay a tamdaw a tahira i pahrekan i, o mamapa'orip.

O mamapatnakho ko Nga'ayay Ratoh to pakayniay i Kitakit no Kawas i polong no hkal, pasayra i polong no tamdamdaw a pawacay, ta maraod ko pahrekan a romi'ad no rayray no hkal.

O romasato, o mamatngil namo ko nika ira no i ngataay a kalalood ato iraayay a lihaf to pakayniay i kalalood. Nikawrira, aka ka rawraw ko faloco' namo. Nawhani o airaira aca konini a dmak. Nikawrira, caayho ko pahrekan no hkal itiya.

O mamalaloolood ko finawlan ato finawlan. O mamasasi'ada'ada ko kitakit ato kitakit. O aira ko kdal ato lonen i cowacowa. Onini a dmak a ma^min i, o satapangan no tata'angay a pades a matiya o pisemsem no ma'at'atay.

O mamalasawad ko kakarayan ato sra. Nikawrira, caay ko mamalasawad ko sowal Ako.

Nawhani o aira ko 'alomanay a tamdaw a micaliw to ngangan Ako. Sowal asa, <Ci Kristo Kako>, o sasaan cangra a misa'fit to 'alomanay a tamdaw.

<<Itiya i, o mamarpet, o mamapasemsem no tamdamdaw kamo ta patayen nangra. O mitooray kamo i Takowanan saka, o mamaka'intel no tamdamdaw a ma^min kamo. Itiya i, 'aloman ko mamisawad a mitoor i Takowanan. O mamarari'ari'ang cangra a masasi'intel. O aira ko 'alomanay a mangah a pali'ayaway to sowal no Kawas a misa'fit to 'alomanay a tamdaw.

Paca'of sa ci Yis i cangraan, <<Pina'on kamo. Aka ka sa'fit no tamdaw.

Orasaka, kararid kamo a mipatala. Nawhani, caayay ka harateng namo a tatokian i, itiya a fahal sa a tayni koya Wawa no Tamdaw.

<<Orasaka, kapalal kamo, nawhani caay ka fana' kamo to nika ano hacowaay a romi'ad a tayni ko Tapang.

<<Nikawrira, o pakayniay toya mamaraod a romi'ad atoya tatokian i, awaay ko ccaccay aca a mafana'ay a tamdaw, halocoyocoyoh no kakarayan a caay ka fana', halo Wawa a caay ka fana', dengan o Wama a Kawas ko mafana'ay.

Nawhani o aira ko mangah a Kristo ato mangah a pali'ayaway to sowal no Kawas. Ano mama^deng i, sa'fitaw ako ko nipili'an no Kawas a finawlan, saan cangra. Saka, midmak cangra to tadakafahka'an a dmak a patiri'.

O nika tayni noya Wawa no Tamdaw i, o mamatiya o dmak toya romi'ad yo ma'oripho ca Nowa. I 'ayaw no kalenlenan i, mararid a komaen, mita'owak, cifa'inay, cifafahi ko tamdamdaw tangasa i picomodan na Nowa i tamina toya romi'ad. Tangasa i nika iraan no lenlen a mikric i cangraan a ma^min i, caay ka fanafana' cangra. O mamahaen ko nika tayni noya Wawa no Tamdaw.