Versets bíblics populars de Matay 21

Comparteix

Orasaka, ano mitolon kamo, ano o maan ko ningitangitan namo i, ti'eren ko Kawas ta malayap namo a ma^min,>> han Ningra.

Paca'of sa ci Yis, <<So'linen Ako a somowal kamo, ano paso'lin kamo to Kawas a caay ka cihinapec i, ma^deng kamo a mihaen a midmak, matiya o nidmakan Ako tonini a sokon a kilang. Caay konini a ccay. Ano pasowal kamo tonini a lotok, <Kalomowad a malinah a tayra i riyar!> ano han namo i, o mamalahci konini a dmak.

O romakatay i ka'ayaw ni Yis ato mitooray i aikor Ningra a finawlan i, lkal sa a somowal, <<Hmeken ko Wawa ni Tafiti! Nanay mapakalmed ko tayniay pakayni i ngangan no Tapang! Hmeken ko Isatakaraway a Kawas!>> saan.

Pasowal sa i cangraan, << <O pitolonan ko Fangcalay Pita'ongan Ako,> saan ko sowal a matilid i Fangcalay Cudad. 'Arawhani kaladihif han namo konini a loma' a palapilimekan no mitakaway,>> han Ningra.

<<Sowalen ko finawlan no Cion, Nengnengen, irato a tayni i tamowanan ko hongti namo. O misapo^neray ko faloco' ningra. Midakaw cingra to ccay a lofa o toforho a lofa,>> sanay.

Pasowal sa ci Yis, << <O kinafalah a fokloh no misaloma'ay a tamdaw i, malata'enenganto no loma'. O nitayalan no Tapang konini. O kafahka'an a nengnengen ita,> yasanay a matilid i Fangcalay Cudad i, caho ka asip namo saw?

<<Orasaka, sowalen Ako kamo, o mamasawad no Kawas kamo a mikowan. O papasayra Cingra i milahciay a matayal to saki nikowanan Ningra a Kitakit a roma a finacadan ko pikowan Ningra. [