Versets bíblics populars de rumiya 3

Comparteix

gi gwune liji wei lɩmape ŋuɽuna ŋɩki na limobɩlṯeḏe gi ḏoɽeḏa ḏeḏi elo, na luŋa lɩmaḏujini liŋir gi jei ganu lugwun ga dino ḏiŋiriḏa ḏe ḏuŋun, ḏɩkədəḏɩnə ga jili je ḏun ḏaṯɩje ḏi yecu kɩrisṯo

na ŋeno ŋiro ŋuɽun ŋun ŋiŋir ŋeḏi elo ŋun ŋaṯila ḏɩməṯo ḏe ḏi yecu kɩrisṯo gi liji wei lun ləmɩnyu, gi gwune gwatɩn gwetɩdo gwiro kaja no

gwun gelo elo kɩɽelo nuro gi ŋɩdi ŋe ḏouwɩɽiḏa ŋuwən ŋe ŋuŋun, ŋun ŋijiməṯo ḏɩməṯo ḏe, na ŋuɽun ŋeno ŋo kani ŋaŋiḏi ŋuɽuna ŋun ŋiŋir ŋeḏi elo gi gwune gi ḏɩməṯo ḏugwor ḏuŋun elo maḏuḏe ŋuɽun ganu ŋun ŋɩki ŋeḏi gwerre; nuar gwaŋiḏi gwunnɩno ŋu gwiŋir, na gwetɩdo gwun gwiduji gwiji gwiŋir gi jei ganu jeḏi elo gwun gwəmɩnyu yecuŋ.

gi gwune ŋɩru ŋe ŋeḏi ŋuɽun ŋun ŋigelijɩlo elo musaŋ gwatɩn gwetɩdo gwidujɩnu gwiŋir gi jei ganu jeḏi elo no, gi gwune ŋuɽun ŋun ŋigelijɩlo elo musaŋ ŋaṯape ḏilɩŋeḏa ḏe gworo gwun gwɩki.

gi gwune ŋulinu, gwiji gwate gwetɩdo gwiŋir, i gwetɩdo no; gwate gwetɩdo gwun gwilɩŋiḏi no, na gwate gwetɩdo gwun gwubunyu eloŋu no. liji wei lɩmədu ṯəṯ ganu na lɩmaro jai wei. gwate gwetɩdo gwun ŋuniduji ŋun ŋiŋir no, i gwate gwetɩdo no.

gi gwune iləḏuɽə ilarno gwiji gwidujɩnu gwiŋir gi jei ganu jeḏi elo ḏɩməṯo ḏe, ŋədu ŋeḏi ŋɩru ŋeḏi ŋuɽun ŋun ŋigelijɩlo elo musaŋ no.

awe, ŋate ŋiro dino ḏuṯ no. namɩni ouwɩrico eloŋu ŋuro gwerkwe, na liji wei nalro lɩwɩɽɩgal, gi gwune ŋulinu, kani ŋədu ŋiŋir ŋuɽun ŋe ŋuŋa na ŋalḏami ḏa ŋamakɩmini.