Versets bíblics populars de रोमि 11

Comparteix

हाइपालिपानु गोताङ आमेने परमेस्वर पाहासो लोखे, कालाउ वा दोङ गोताङ आमेने बानाइका हि, कालाउ गोताङ आमेने वाकोङ भाअ्सिङ दोङ हि। वासेहेङ दोङ जेलाउलाउ बुङ महिमा ह्याको! आमेन।

आहा! परमेस्वरको बैभब कालाउ बुद्दि कालाउ वाको ग्यान हेथे माहान हि! वाको निर्नयगेलाइ हासु बुङ बयान पालि मादोखे, कालाउ हासु बुङ परमेस्वरको दामागेलाइ बुझिलि मादोखे!

“परमेस्वरको मन हासु बुङ बुझिलि मादोखे, माकुनु वासेहेङ हासु बुङ साल्लाहा पिलि मादोअ्खे।”

कालाउ परमेस्वरको आनुग्रहहोइ एला बुङ यहुदिगेलाइको आतुइसा आङस हि, जाइहेङ परमेस्वर ताइको चुनिका द्‍याङगेलाइको रुपता साल्का हि। या आसल काम पाकाको आधारता माको, कालाउ परमेस्वर ताइको आनुग्रहहोइ इम्बालाइहेङ साल्हि। जेसापा इङको कामको आदार सोनु ते आनुग्रह एला आनुग्रह दोङ माको।

इस्राएल सारभिको द्‍याङगेलाइ रेम्का जैतुन सिङको दालेङगेलाइ भाइका दोङ हि, कालाउ पुर्खा आब्राहाम, इसाहाक, कालाउ केलाइको पुर्खा याकुब इङको सिङको जारि भाइका दोङ हि। कालाउ जेसापा हिदोइ बुङ दालेङगेलाइ पोन्हाहे पानु कालाउ नेलाइ झारभारिको जैतुन जेङतेङ इम्बालाइ दोफा रेम्का जैतुनको सिङता कलमि जेङका हिसुना। यहुदि द्‍याङगेलाइसो नेलाइ फाइदा निङसुन्हा, जेसाङ झारभारिको जैतुनको दालेङहोइ रेम्का जैतुनको सिङता कलमि जेङतेङ इङको सिङसो फाइदा निङका हिसुना। ओदोङ भाअ्सिङ नेलाइ इस्राएललिगेलाइहेङ मासिकासु, जाइगेलाइ चाहि थुर्का दालेङगेलाइ भाइकाङ हि कालाउ इम्बालाइ खान्तेङ ताइमिहेङ रेम्का मासोचे, हाइपालिपानु नेलाइ डालेङ खिनिङ हिसुन्हा, नेलाइ जारिहेङ थामिका मान्थु सुन्हा, कालाउ जारि दोङ नेलाइहेङ थामिका हि।