Versets bíblics populars de Roma Uram 9

Comparteix

Ati, Er Imtamnyi bira ninyi lemsurur ara ninyi aryi, “Teleb dinyi kunubtibyi,” tenen dinyi deici aryi kum lemsurur. Tonda, ninyi aryi teleb dinyi kunubting deici ababyi Erci ninyi kum lemsurur. Eda, Er Imtamnyi bico tenen dinyi deici aryi Erci ninyi lemsurur.

Er Imtamnyi bira Musa bisi ato eboka lak ebmou. “Ni ninyi bico tenenun cok, Niryi teleb tenenun to wimdeiriranyi nang ati bico tenebkwan. Tonda, Ni ninyi boukwe weik kununyi kunun cok, Niryi teleb tenenun to wimdeiriranyi nang ati boukwe kibkwan.” (Keluaran 33:19) A deyok aryi, nunci Er Imtamnyi biti, “Kikib kum dinyi kunusurur,” ebibyei.

Ato ebdate bok, niryi sunsi ato ebkwinsin. Nunda tukwetam nang akwe kunub ati, nunci Er Imtamnyi bisi, “Kan una kubmarim do?” ena ara kikib kum kubsute. Er Imtamnyi bira nunsi kiknibdeibsounyi kurur ati, nunci Ersi, “Unato ati Kanci nunsi ato-ato kuboka kiknibmasirim do?” eboka asibdetibyi do? Ato tenen kum.

Er Imtamnyi Uram umbura aryi kerek sekamwe to, Er Imtamnyi biryi Mesir nang kalingnamwe weik sienyi si Firaun biti ato ebmou. “Nira Imtamnyi biryi kansi erebdeibmakise ara Niryi Ni mikib lak kibdeiboka kansi wenebkwanse ati erebdeibmakise. Niryi Ni mikib lak kibdeiboka kansi wenebkinyi uca, sun im dangna tukwe dangna nang nirya aryi Nira Imtamnyi si weik ebkwaning.” (Keluaran 9:16) A uram deib aryi nunci, “Er Imtamnyi biryi teleb tenerur to, Erci ninyi bico tenerur kum, ninyi kanya kat kimdeirirur kum,” tenen bingnub.

Tukwe moyok kiknin nang ara tukwe doboka teleb moyok kum malyi moyok kum kikniraming. Ara, tukwe moyok kiknin nang aryi teleb teneramingnyi tok, sunci weik kwalina uki tum aryi talebkwaming moyok kum talyi moyok kum kikniraming. Ura, Er Imtamnyi bibabyi neiktoto kurur. Erci teleb tenebmaci tok, ton nang asi wimdeirirur cok, yuk nang asi tanglorur.