Versets bíblics populars de Yohanes Uram 11

Comparteix

Ura, Yesus biryi ersi ato ebmou. “Nira ninyi kam burdeirin deyoknyi kunun. Tonda, iya kam kun dinyi karenunyi kunun. Unanyi-unaner ara Nisi dib tenebningnyi nang ara dibmangnyi ababyi kam bukokwaming. Tonda, unanyi-unaner ara kam kuramingiryok, Nisi dib tenebmangnyi nang ara din dinyi kum dobdobkwaming ati ebman. Kanci a ebmakin to dib tenebmarim do kum do?” ebmou.

Ato ebmou bok, Er Yesus biryi ersi ato ebmou. “Kanci dib tenebniminyi uca, kanci asing eibmin ba, ‘Er Imtamnyi Iya Erebdobnyi biryi ilil tenen dinyi kiknibde barur,’ tenen asing eibkwandim. Niryi ato ebmakin bok, tuba kum teneibmarim do?” ebmou.

Ura, Yesus biryi engena weik engebmou.

Sirya erbinmai ura, Yesus biryi a ebdeibmarei uram kekebmou cok, Erci ato ebmou. “Ni kwit youn weik talebmar bok, er iya kum dibkwande. Nun kwit youn talebmar ara ninyi aryi Er Imtamnyi biti, ‘Erda Iya Erebdobnyi kurur,’ tenen bikwaming ati youn talebmar. Ara, ninyi aryi asing eiboka Nira Er Imtamnyi Mi biti, ‘Erda Iya Erebdobnyi biryi iya ilil tenen dinyi kiknibde barur,’ tenen bikwaning ati, a dinyi kubmar,” ebmou.

Ato ebmou ura, Er Yesus biryi uram weik doboka ato ebmou. “Lazarus, anaboka yarum,” ebmou. Ebmou ba, “Nai e,” dibmounyi bira kam bukokmou. Kam bukokmou ura, keil umbura dam aryi anaboka yanmou. Ara, er yan taruk nong nirya asi kait aling aryi libdongobmainyi anaboka yanmou. Er kisok ongon aling limdongobmainyi bira anaboka yanmou. Anaboka yanmou ura, Er Yesus biryi, “Din nang limdongoraming aling ongobdeibmandau kwiribdeibmunyi ba, Lazarus bira ur yibarorur,” ebmou.

Ura, Yesus biryi, “Se, a nang ara din nang asi kam burdeirin dinyi ara dib kum tenebmang,” tenen mambul tubto bobmouci, Lazarus tukwe dongobmaia dam tingbinmou. Ara, Lazarus dongobmai ai ara keil umbura asi dongobdongobmaici, bublan dam ara weik keil aryi ibdongobmai.

Ato ebmou ura, Erci Er miliramnyi nang asi ato ebmou. “Nun kwit Lazarus bira wi mabmar asi Niryi bindoka wi mabmara kam bungdeirbinkun,” ebmou.