Nungmou bok, Er Imtamnyi Kanya Roh Kudus aryi Filipus bisi, “Kanda a kereta deici bukmaranyi dam birum,” ebmou. Ebmou ura, Filipus er dam binmou ura, anyi bira nabi Yesaya biryi kerek sekamwe to nungmou asi kekebmou. Kekebmou cok, Filipus biryi ersi, “Nai, kanci nungmarim deyok asi diboka bikmarim do?” eboka asibdenmou. Asibmou ba, anyi biryi, “Ni diboka kum bikman. Ara, ninyi aryi nisi eterenina kum aryi, ni a nungman uram deyok ara kum bikman,” ebmou. Ebmou cok, erci Filipus bisi, “Ni kwit, ni dam buryandoka eterebnurum,” ebmou.