Versets bíblics populars de Nugana 28

Comparteix

Ta, u ‘ita, ‘Abo‘agu ma‘ieaio, ta ‘ena ‘u tatauia ‘ena ia da ‘ita‘i‘isio, ta ‘asa gete ‘ena ia da ‘au‘ewalimemuma; gea‘abo ia da e‘idi‘idieio, ga iage ni‘atu manuna ‘emuia ia onaona ia da guinue.

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia

Ta Iakobo ‘ina ‘enomwataia ‘enega ‘i tooro, ta ‘i ona, ‘Ai‘aila Ieoba esena gete ‘ena ‘i miami; ta nigea ia mwaratonina.

Ta Iakobo ona‘upa‘upa i ‘inanena, ‘i gwae, ‘Abo Eaubada ma‘ieagu, ta ‘eda gete ‘enega ia tautauia ‘ena ‘i da ‘ita‘i‘isigu, ta masura ‘i da ‘ebwaegu be ia da ‘e‘ai, ta ‘oama be ia da ‘otena, ta ‘enega tamagu ‘ina anua ‘ena ia da mai guguiega, ga Ieoba ‘i da e‘igu Eaubada, Ta gurewa gete, tauna ia etoorona ‘ora manuna, ‘i da ‘e Eaubada ‘ina anua: ta iage iauiauna ‘u da ‘ebwaegu ‘ediega ‘ana ‘upwasanau ia da ‘ebwaea ‘ai‘aila ‘emuia.

Ta tubumuao si da ‘e bare‘u ‘ina nedila ‘atua, ta ‘u da weara dadana ‘ebwaga ‘enaia be, bomatu ‘enaia be, iaarata ‘enaia be, iarasi ‘enaia be: ta ‘emuia ta tubuio ‘enaia bare‘u ‘ina susu iauiaudi onaoboboma si da lobena.

Ta esena nina ‘i eesena Betela: ta ‘asa nina ‘ana esana nugana Lusa.