Versets bíblics populars de San Mateo 21

Comparteix

Ti oy c'usi ta xac'anic ta c'opojel ti'inele, tac'aluc c'otuc ta ch'unel avu'unic, jech ta xa'ac'batic un.

Xi laj stac' ti Jesuse: —Ta xcalboxuc ava'iic ta melel, mi ach'unojic ti oy c'usi tac'al avu'unique, mi mu xana'eticuque, ma'uc no'ox jech ta xapasic jech c'u cha'al laj jpasbe ti icuxe. Xu' xi xavalbeic ya'i ti vits li'e: ‘Loc'an batel, ba jipo aba ta nab’, jech ta xc'ot ta pasel.

Ti buch'utic oyic ta jba'bee xchi'uc ti oyic ta patil talele, xi tsots lic avanicuque: —Jun yutsil Xnich'on ti ajvalil Davide. Yan yutsil ti buch'u tacbil tal yu'un ti Diose. Jun yutsil ti Diose.

Xi laj yale: —Ti ts'ibabil ta ch'ul c'ope xi ta xale: ‘Ti jch'ulnae, albil sc'oplal sventa c'opojebal ti'inebal.’ Ti vo'oxuc une laj xa ajoybinic ta snail xch'en j'eleq'uetic.

Albeic ya'i ti buch'u nacalic ta jteclum Sione: “Q'uel avilic, ti Ajvalil avu'unique li' ta xtal ta atojolique. Mu'yuc stoyobbail. Cajal talel ta burro, yol jun me' burro jcuch-icatsil.”

Va'i un, xi laj stac' ti Jesuse: —Ti vo'oxuque, ¿mi mu'yuc aq'uelojic ti ch'ul c'op ti xi ta xale? ‘Ti jbej ton ti laj sbaj sjip ti j'abteletique, tun lec ta sventa sliqueb ti nae. Taje, ja' yabtel stuc ti Diose. Ch'ayal ta xc'ot co'ntontic yu'un.’

Jech o xal ta xcalboxuc ava'iic, ti ventainel yu'un ti Dios ti oy ta atojolique, ta xbat ta stojolic ti buch'utic ta xich'ic ta muc' ti ventainel yu'un ti Diose.