Versets bíblics populars de Malaquías 3

Comparteix

Ti jun ta jujun lajlajunebe, ich'ic talel ta sq'uejobil ti oy ta ch'ulnae. Ja' to jech oy lec c'usi ta tunel ta lajesel ti ta jnae. Ac'beicun ta jba, ja' to ta xavilic mi mu'yuc ta jam talel ti vinajele, ti spajeb xa no'ox yutsil ta xvul ta atojolic ti c'uxubinele.

Mu jq'uelojuc ma' ti ta xlaj ta xchanul ti ts'unubaletique, ti uvaetic avu'unique. Scotol ti muc'tiquil lume, mu'yuc c'usi sna'ic le'e, xi ac'oplalic yu'unic. Ti vo'oxuque ta xch'ay o'ntonal ta q'uelel yutsil ti alumalique.” Jech laj xa cal ti vu'un Diosun ti scotol xu' cu'une.

Ti Dios ti scotol xu' yu'une, xi ta xale: “Yacalun ta xchapanel jun c'ac'al ti xu' ta xcha'sutic talel yo' ta xc'otic ta jteclumale. Jech c'u cha'al junuc totil ti ta xc'uxubaj yo'nton yu'un ti xnich'on ti yac'oj sba ta tunel yu'une, ja' jech ta x'ayan syail xc'uxul co'nton yu'unic ec. Va'i unbi, ta xlic avilic xtoc ti mu xco'olaj ta q'uelel xchi'uc ti buch'u leque xchi'uc ti buch'u chopole, xchi'uc ti buch'utic ta snijan xchiman sbaic ta yich'el ta muc' ti Diose xchi'uc ti buch'u mu snijan xchiman sbaique.”

Ti Dios ti scotol xu' yu'une xi ta xale: “Ta jtac jelavel talel ti caj'al-mantal j'ich'-c'ope yo' jech ta xchapanbun ti jbee. Ti Dios taje, ja' ti Buch'u yacal ta xasa'ilanique. Mu xa jaluc sc'an ti ta x'och ta xch'ulnae. Ta xvul xa ta loq'uel ti j'al-mantal j'ich-c'op yu'un ti trate ti oy ta avo'ntonic amalaojique.”