Versets bíblics populars de Romanos 9

Comparteix

Diuxi ïko bubaidi odami mai xu ïïgi ipïldakai odami tudu dai mai xu kïïga idukamikatai ïgai. Ïïgi Diuxi podukai gï tgito bhaiyoma dai soi gï ïrhidi nïiditai dai kaxkïdï ko bubaidi ïgai.

Daiñi, Diuxi aagidi go Moiseskaru ïki sai Diuxi soi gï ïrhiarakïdï nïijada agai ïïgi xorai ipïrhiada ïgai.

¿Dukatai bui ñokai aapimï Diuxi aidï? ¡Mos ïr odami aapimï di! Daiñi, xi ajayi ñokadamudai maiti gï agadamudai xi bui ñokadagi ïgai go ajatadami daidi itïdagi aidï, —¿Tui pïxi pomaaxi gin dui?

Pomaaxi tudu, Diuxi soi ïrhiarakïdï nïidi ïïgi xorai soi ïrhiarakïdï nïijada ïrhiada. Dai ïgai mai tïkaidatudai xorai ïgai ipïrhiadagi ïpï. Ïïgi ix dukatai ïgai ipïrhiadagi.

Ïmo ajatadami bia sïïrhikami xi buadagi ajayi ïïgi ixtuma bïïtarï ipïrhiada ïgai. Bhaiga ïgai xi buadagi ajayi ix makïdï ïr gïgïr tasai aaduindagai bïïtarï. Dai bhaiga ïgai xi iduñagi jaa ix makïdï ïr bïïx tasai aaduindagai bïïtarï ïpï.