Versets bíblics populars de Hechos 9

Comparteix

Daidi Gïr Nukadakami itïtïdai, —Imiñi. Kaxi an ïko busaitu aanï go Saulo bai ñokaiña ïgai gin bïïtarï. Aituldamu ïgai gin ñoki bïïtarï ix makïdï maiti ïr judidiu dai judidiu ïpï dai bïïtarï gïgïr dudunukami.

Daidi go Saulo dïbïrapi gïi dai kaï ïmo ñoki daidi ikaiti go ñoki, —Saulo, Saulo, ¿Tui pïxi gin buidïrï kaatïkami aapi dai soi gin buayi?— ikaiti go ñoki. —¿Borï aapi tïanïdami?— ikaiti Saulo aidï. Daidi go tïbagiañdïrï ñoki ikaiti, —Aanï ïr Suxi— ikaiti. —Dai soi gin buayi aapi— ikaiti go ñoki.

Daidi jii Ananias kiidïrï Udaxi xako dakatadai Saulo dai ami baakïkai daama darai gï ïïka daidi itïtïdai, —Gin aduñi Saulo, Suxi Gïr Nukadakami gin otoi bhaigobai. Suxi ïgai dai gï maaxitu gï buitapi boiyaiñdïrï. Ïgai gin otoi saidi aapi ïpamu nïnïabana dai sai ïmo tïgibudagai bhïiyagi aapi ïmadï Diuxi Ibhïadï— itïtïdai Ananias. Mos potïi ïgai bai otoma surhi bupujiañdïrï batopa kokomidï maaxi go Saulo dai ka nïnïaba ïgai ïpamu. Dai bhodïrï bañi ïgai dai gï bakoi.