Versets bíblics populars de Hechos 14

Comparteix

—¿Kïkïïrhi, tuimïxi aidï gïr xadutudai podukai? Aatïmï mos ïr odami ïpï di. Gïn ïpïan dukami aatïmï. Dada aatïmï dai gïn aagida ragai ïmo bhai ïrhiaragai aatagi. Gï aagai xi ka mai buaboitudada aapimï gobai ix makïdï maiti ïr soiñi, gobai ix makïdï didiuxi aagai aapimï tudu. Gï aagai mïx buaboitudagi Diuxi bhaiyoma. Ïgai gia ïr oidakami dai ïr buaboi. Buaboitudabïrai tudu go kïïsakami tïbagi ïmadï oidigi dai gïï sudagi dai bïïxi ixtumaxi oidaga.

Dai ïgai dakatai kaïkatadai aatagidï Pabora. Daidi go Pabora gï tïgito tïï ix buaboitu ïgai ix Diuxi ixtutuidikïi xi duadiagi. Daidi Pabora gïgïrï itïtïdai, —Kïkibañi— itïtïdai. Dai go kïïrhi mos tuarhi tudai aidï dai ka aimïrai.

Dai bïïxi aipakoga xako gïn ïmpaidiña buaboitudadami go Pabora ïmadï Bernabe darai bhaitï gukakami bai ïgai nukadakana go buaboitudadami. Dai kaxi po duñakai ïgai sai bhodïrï gadáí ïgai Diuxi go buaboitudadami bïïtarï mai dïïkai kuadagai. Daidi itïtïdai ïgai Diuxi, —Aapi Diuxi ïr nukadakami ka agai idi buaboitudadami— itïtïdai ïgai daanïitai.