Versets bíblics populars de 2 Korintios 10

Comparteix

Maitïkïi aatïmï bïïxi go tïgibudagai ix makïdï sobhikïi odami ix maatiagi Diuxi tudu. Dai maigobai ïkobai bipiayi aatïmï bïïxi go tïgibudagai ix makïdï gïr sobhikïdagi ix ïïgiadagi aatïmï Suxi Kristo ïpï. Po buayi aatïmï saidi bhodïrï bïïxkatai aatïmï bhïna mosïkaxi go tïgibudagai ix makïdï ipïrhidi Suxi Kristo xi oijadagi aatïmï.

Dai bhaiyoma Diuxi gïr mamaakai gubukarhigai sai buidïrï gukibana aatïmï go soimaaxkami. Diuxi gubukarhigadïkïdï maitiña aatïmï bïïxi go soimaaxkami ix makïdï bamioma xijaiga ix maitiagi ïmoko.

Mai ïïgi gïr gubukarhigakïdï óídaga aatïmï buaboitudadami tudu. Daiñi, kïïga ïr buaboi saidi ïr odami aatïmï ïpïandukai toma xorai. Dïï gia gïr iibhïdagïrï ïmo kokodiïrï dukai óídaga aatïmï. Kokoadami duu aatïmï tudu dai buidïrï kaatï aatïmï bïïxi gobai ix makïdï buidïrï kaatï Diuxi. Maiti gakokodai aatïmï gïr tukugakïdï ix dukai ibuayi go gaa óídakami ix makïdï maiti ïr buaboitudadami.

Diuxi mai kïïgakïrï nïidi odami ix makïdï pokaitadagi sai ïïgi kïïga idui tudu. Dai bhaiyoma mosïkaxi Diuxi ïgai dai bhaiga xi aagadagi xorai kïïga idui dai xorai kïïga nïijada agai ïgai.