Versets bíblics populars de 1 Korintios 6

Comparteix

Kïï sïïrhi abïr gïn tïgitoka tudu sai gïn tukuga ïr Diuxi Ibhïadï bakidï dukai gïn ïrana dakatai ïgai. Dai Diuxi ïgai dai gïn maa ïïgi Ibhïgadï sai gïn ïmadï dakana. Kaxkïdï ka mai bia aapimï sïïrhikami ix ïïgi gïn tïanïdagi aapimï. Dai bhaiyoma xibi Suxi aa namïki ixtumaxi gï agaitadai dai gïn sabïrhi ix kaxkïdï xibi ïgai tuidadï aapimï. Kaxkïdï gïn tukugakïdï abïr maaxitudagi xïïxi ïr gïdukami Diuxi xibi. Podukai abïr ibuada ïmo xadutudaragai dukai ïgai bïïtarï.

Gï aagai ix kïï sïïrhi gïn tïgitokagi aapimï maatïkatai sai soimaaxi buadami mai biaka agai oigaragai ix Diuxi tïanïdagi. Daiñi, odami ix makïdï aipakoga boopoiña jaa ïmadï mai biaka agai oigaragai ix Diuxi tïanïdagi. Dai podukai ïpï ix makïdï buaboitudai uubixi, dai ix makïdï abhana boyiña oñigadï ïmai, dai ix makïdï ïïgi gïn ïmadï boopoiña kïkïïrhi dai oki ïpï, dai ix makïdï ïïxiboga, dai ix makïdï koimudadï tutuiga, dai ix makïdï nabaakoitïrïga, dai ix makïdï gïpiïrï bupai jaa yaatagikïdï, dai ix makïdï bupuirumadai jaa. Tomarhi ïmadutai ïgai mai biaka agai oigaragai ix Diuxi tïanïdagi.

Gin susukurhi, gï aagai xi otoma mïkaxi biagi aapimï go soimaaxi tïgibudagai ix makïdï gïn bapaidimi ix abhana boiyagi ix makïdï maiti ïr sïïrhi. Daiñi, ïma maaxi soimaaxkami ix makïdï iduñagi ïmoko mai tukurhimadai tukugadï. Dïï gia odami ix makïdï abhana boiyagi ïmai ix makïdï maiti ïr sïïrhi, ïgai gia tukurhimadai tukugadï ïïgi.

Mui odami pokaitiña sai bïïxi ixtumaxi ix makïdï mai daidarxi bhaiga ïgai ix ibuadagi. Dïï aanï aagai sai tomaxi mai daidarxikagi bïïxkïrï ïïmo ixtumaxi maiti ïr soiñi ix ibuadagi ïmoko. Daiñi, ïïmo ixtumaxi gïr maitïkïi xïxkadï ibuadagi aatïmï dai gokiïrï dudatai ibuada ïrhidiña aatïmï ïpamu. Dai aanï maiti gin dagitomu ix gin maitagi tomarhi ïmo ixtumaxi podukai. Kaxkïdï bhaiyoma maiti ibuayi aanï ïïmo ixtumaxi.

Kïï maatï aatïmï tudu sai ïïgi gubukarhigadïkïdï duduakatulda agai ïgai gïr tukuga ïpïan dukai ix duakaturhi ïgai go Suxi. Kaxkïdï maatiga maaxi sai gia buamï ïrhidi Diuxi ix dukatai gï buadagi gïr tukuga.