Versets bíblics populars de Genesis 2

Comparteix

Chay-laycun wayapaca taytanta mamanta caćhaycul walminwan jucllaña capäcunꞌa. Chaynüpam juc aychallaña capäcun.

Chaypïmi TAYTA DIOS nin: “Manam allinchu wayapaca japallan cayäśhanꞌa. Imaćhüpis yanapänanpä masanninta lulaśhä” nil.

Chaypïtam quiquin TAYTA DIOSNINCHIC cay allpäpïta wayapäta lulala. Jinalculmi sinꞌanćhu pücaycul cawsayta uycula. Chaynüpam nunaca cawsayniyu licalïla.

Chayta licälulmi Adan nin: “Caymi ichá quiquin aychäpi tullüpi. Chaymi ‘walmi’ nisha canꞌa, wayapäpïta juluycuśha caśhanpi” nil.

Chaymi allin cananpä chay anćhishyänan muyuncäta “Cananpiꞌa jamana muyunmi canꞌa” nil japächaycula. Chaynu unanchaycula lluy camaśhancunacta camacaśhan muyun captinmi.

Ñatac wayapäpis walmïpis mana müdanayu calalla cayalcalpis manam mayanninpis pinꞌaculcälachu.