Versets bíblics populars de Rɔmu minin 8

Comparteix

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Má waa la taãn-taãnɛ, máa màn kɔ́n ba boe la, a Lawa kurəə wɔ narɛɛ ganaa wa. Gɛ̀ a boe la wa, ka yiikoonaabaa nɛ, lon a dia dí-a wolen ne, ka lon màn pàãdɛnan laanka ǹ goledɛnan kɔn ba boe la wa. Pelo màn kɔ́n laanka biɛ̃ ǹ wɔ kɔ́n ba boe la wa. Lon gɔ́ɔ̃ nɛ ǹ mànan laanka tán giulun wɔn kɔn ba boe la wa. Lawa din wɔ narɛ ǹ gɔn mɛn nyaa, ka wɔa Dɛnaa Yezu Krita barka nɛ, da ǹ màn kɔ́n ba boe la, a Lawa kurəə bɛa zɛnaa ganaa wa.

Wɔ bɛ́ pàãwɛɛnaan lɛa ke, Lawa Yiri nə n doe wɔ lɛ. A giala, wɔ doamaa bɛ́ nɛ, wɔ Lawa nyankɔ lɔn, wɔ a bɛ doɛ̃ wa. Sɛnɛ, giniin mɛnɛn bɛ́, min ná a ba ǹ boo giala pii doɛ̃ wa, Lawa Yiri din nə bɛa giniin kɛn lɛn we Lawa ganaa, a ná a nyankoe wɔ a lɛa.

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Taasiɛ doa gɔ̀nɔn foo siin ganaa n woe min diɛ gɛ̀ nɛ. Taasiɛ doa Lawa a Yiri Fu dùũ siin ganaa n woe min diɛ nyin nyabaã laanka là nyantoro ne.

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.

Wàa n boe la, a Yezu Krita kurəə wɔ narɛɛ ganaa? Nɔmaa baraa á boe la ya? Haayii! Wàa n boe la kəni? Minin bɔ wɔ yii-n ni, bòo ne, doobaabaa nɛ, koe sii ni, gɛ̀ nɛ, bɛn kɔ́n ba boe la wa.

Lawa din bɛ́ gɔ́ɔ̃gɔ́ɔ̃ ǹ sii doɛ̃, Yiri lɛ bɛ́ màn mɛn nyankoe a lon, a din tá bɛ giala miɛ. A giala, Yiri lɛ n Lawa nyankoe Lawa a minin lɛa, á kɔnpii ka Lawa din dùũ ni.

Min mɛnɛn bɛ́ tɔ we á kɔnpii ka Lawa Yiri dùũ siin ni, bɛn man Lawa a nɛnyaanan lɛa.

Min mɛnɛn bɛ́ tɔ we, á kɔnpii ka gɔ̀nɔn foo siin ni, bɛn taasiɛn man doa nɛ ǹ dinin dùũ siin dininsɔɔ̃nɔn ganaa. Sɛnɛ, min mɛnɛn bɛ́ tɔ we á kɔnpii Lawa a Yiri Fu dùũ siin ni, bɛn taasiɛn man doa-n Lawa a Yiri Fu dùũ siin ganaa.

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

a Yiri lɛ din nə pii kun ka wɔ yiri ni, mà wɔ na a nɛnyaanan lɛa. Wɔ bɛ́ Lawa lɛ a nɛnyaanan lɛa, a din bɛ́ á n lɛ kɔ, mà asɛ á re bǐɛ̃n mɛnɛn zɛnɛɛ a minin manɛ, wɔ á re wɔa wɔ gii yii bɛn nɛ. Wɔ á re wɔa wɔ gii yii kun ka Krita nɛ. A giala, bɛ̀ wɔ fuu yɛ kun ka Krita lɛ nɛ, wɔ á re goɛ̃ kun ni a gugurubaa dɔ nɛ.

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Sonbore, wɔ á doɛ̃ wáa kanaa màn din tumaa nɔmaamaa nɛ kanna, ǹ nə́ gini ka lɔ nɔɔrɔ-kɔle bɛ́ lɔn.