Versets bíblics populars de Met 22

Comparteix

Abraham a nga yôlé vôm ate na: Adonaé Yiré. Ajô te ba jô môse ya dene na: Jôm ja ye veban e nkôle Nti.

Zambe nye na: Nyoñe monafame wôé, atyi'i monafam, e nyô wo nye'e, Izak, kelek e sii Moriya, a e wé, va'a nye mveane ba di'i ngumba e wua ya minkôle ma ye liti wo.

Engele nye na: Te same wo wôé e be ésoé ndôman, a te bo nye jam éziñ; amu éyoñe ji me yemeya na wo ko Zambe woñ, a na ô nji bene ve ma monafame wôé, atyi'i monafame dôé.

Abraham nye na: Zambe Emien a ye ve mone ntômba asu mveane ba di'i ngumba. Bese bebaane be nga wulu nsamba wua.

ma ye jalé wo a bibotan, a ma ye fôle mvoñe bôte jôé ane ateté é ne yôp a ane nselek ô ne nsa'a mam. E mvoñe bôte jôé ja ye nyoñe Mbé Anyiine ya tisone besiñe bé, amu wo te ve tyiñe jam mewôk. Meyoñ mese ya *si nyô ma ye jô na me bili ébotan amu mvoñe bôte jôé; amu wo te ve tyiñe jame mewôk.

Mvus mam mete, Zambe a nga ve'ele Abraham a jô nye na: A Abraham! Nye na: Ma nyô!

Ane éngele Nti a nga loone nye yôp a jô na: A Abraham! A Abraham! Nye na: Ma nyô.

Engele Nti a nga loon Abraham éyoñe baa e yôp a jô na: Ma bele a mamien, nalé Nti a jô na: Amu wo te bo nalé, a na ô nji bene ve ma monafame wôé, atyi'i monafame dôé

Eyoñe be nga kui e vôme Zambe a nga liti nye, Abraham a nga lôñ ata'a metuna'a valé a ta'a nja'a été yôp. A nga ka'a monafame wé, Izak a beté nye ata'a metuna'a yôp, e nja'a yôp.